Decembro 2017

Contos e música no Nadal na E.I. GALIÑA AZUL

Música e contos para compartir o Nadal cos máis pequenos. Hoxe levámoslle un pouco de música e contos aos nosos veciños da Escola Infantil. Comezou esta pequena convivencia un coro de alumnos de música que puxo voz a "Let it Swow". Logo os de 1º ESO narraron o conto "O boneco de neve feliz" e dramatizaron "O abeto e o apalpador" (con acompañamento musical de 1º BAC). Chegou despois o momento das panxoliñas que ofreceron alumnos de música de 2º ESO e foi a coda a interpretación "a capella" (4 voces) de "Hit the Road Jack". Non faltou un agasallo improvisado: o "Happy Birthday" coreado por todos para un neno que estaba de aniversario. Rematamos deixando que os máis pequenos tocasen algúns instrumentos pois hai que facer canteira e, de feito, algúns danlle con xeito ao teclado ou a dirección de orquestra...

 

 

No Nadal facendo canteira

Se onte tendemos lazos coa terceira idade, hoxe fixémolo cos nosos veciños da Escola Infantil (a primeira idade); cómpre sementar porque eles serán, a medio prazo, o noso alumnado e seguro que algúns tamén membros futuros do club de lectura.

Nestas datas levámoslle un pouco de música e contos. Do limiar encargouse un coro de alumnos de música que puxo voz a "Let it Swow". Logo os de 1º ESO narraron o conto "O boneco de neve feliz" e dramatizaron "O abeto e o apalpador" (con acompañamento musical de 1º BAC). Chegou despois o momento das panxoliñas que ofreceron alumnos de música de 2º ESO e foi a coda a interpretación "a capella" (4 voces) de "Hit the Road Jack". Non faltou un agasallo improvisado: o "Happy Birthday" coreado por todos para un neno que estaba de aniversario.

Rematamos deixando que os máis pequenos tocasen algúns instrumentos pois hai que facer canteira e, de feito, algúns danlle con xeito ao teclado ou a dirección de orquestra...

Grazas unha vez máis aos nosos embaixadores (músicos e lectores), aos seus profesores e aos encantadores veciños da Escola Infantil por ternos acollido, como sempre, con agarimo. Bo Nadal a tod@s!

M de Música, P de Poesía e N de Nadal

Un ano máis, a música e a poesía serviron de comunicación entre os anciáns acollidos na residencia "San Telmo" e nós. Da primeira ocupáronse os nosos compañeiros que estudan música: comezaron interpretando o himno do antigo reino de Galicia e seguiron con distintas panxoliñas, pezas populares e unha última intervención (dignísimo peche) protagonizada "a capella" polas nosas mellores voces. E polo medio da música un grupiño de recitadores (a maioría recitadoras e representantes dos distintos grupos do noso club) encarnaron as poesías de temática moi acaída para estas datas de autores como a arxentina Delia Arjona, o brasileiro Cyro de Mattos, a cubana Lilliam Moro, os galegos Celso Emilio Ferreiro, Sebastián Mtnez. Rico e Helena Villar Janeiro, o palentino Fernández Nieto e o portugués Albano Martíns.


Moitas grazas a tod@s por ter compartido a vosa xuventude, a vosa ledicia e o voso bo facer musical e lector coas avoas e avós; moitas grazas por facer posíbel un ano máis este xesto de solidaria comunicación interxeracional.

Un club de Nadal

E, coas nosas voces e mans, o Nadal faise música e poesía.

cartel

XOGOS E DEPORTE NO FIN DE TRIMESTRE

  

 

PREME NO BOLETÍN PARA O DESCARGAR:

SESIÓN DE QUIDDICH para o CLUB TUITAKU

Na tarde do vindeiro luns 18 o Club Dinasour´s Army visitará ao Club de Manga e Anime "Tuitaku" do noso centro para ensinarnos a xogar a este novo deporte e botar unas partidas. 

Xa temos preparadas as nosas 40 vasoiras!!!

Theme by Danetsoft and Danang Probo Sayekti inspired by Maksimer