ADMISIÓN DE ALUMNADO CURSO 2024_2025

RESERVA DE PRAZA CURSO 24_25

Tódalas solicitudes de reserva de praza no noso IES para o curso 24_25 foron admitidas. Poden consultarse as listaxes no taboleiro de anuncios do centro. Tamén na aplicación https://www.edu.xunta.gal/admisionalumnado/. Neste caso, precísase o código de solicitude e a documentación de identidade dun dos responsables do menor.

 

CONVOCATORIA DE BOLSAS DO MINISTERIO DE EDUCACIÓN, FORMACIÓN PROFESIONAL E DEPORTES PARA ESTUDOS POSTOBRIGATORIOS NO CURSO 2024_2025

19/03/2024 06:48

O Ministerio de Educación, Formación Profesional e Deportes vén de publicar a convocatoria de bolsas para o alumnado que curse estudos postobrigatorios no curso 2024_2025 (enlace ao extracto da Resolución publicada no BOE). 

Estas bolsas van dirixidas a alumnado que se matricule en Bacharelato, Formación Profesional (Grao Básico, Grao Medio, Grao Superior), ou en estudos universitarios, entre outros.

O prazo de solicitude esténdese dende o día 19 de marzo de 2024 ás 09:00, hora peninsular, ata o 10 de maio de 2024 ás 15:00, hora peninsular, ámbolos dous inclusive.

A solicitude debe facerse obrigatoriamente de xeito telemático, entrando na sede electrónica do Ministerio.

É importante que presentedes a vosa solicitude en prazo, aínda que non saibades que estudos ides cursar no vindeiro ano académico 2024_2025. De non facelo, quedaredes sen posibilidade de acceder á bolsa de estudos.

Podedes acceder a toda a información no portal de Bolsas do Ministerio de Educación, Formación Profesional e Deportes.

 

INSCRICIÓN NAS PROBAS DE ACREDITACIÓN DE COMPETENCIA DIXITAL

Amplíase ata o 15 de marzo o prazo de solicitude e inscrición nas probas específicas para a acreditación das competencias dixitais do alumnado que cursa 4º de educación secundaria obrigatoria e 2º de bacharelato na Comunidade Autónoma de Galicia no curso 2023/24.

Para máis información ver o arquivo adxunto "Resolución acreditación competencia dixital.pdf"

MENÚ COMEDOR MARZO 2024

Menú base e dietas especiais do comedor correspondentes ao mes de marzo de 2024. (Para velo abrir o adxunto)

Recitado de poesias de Rosalía de Castro

26/02/2024 08:29

No recreo do 23 de febreiro fíxose un recitado por parte do alumnado do centro, de poesias de Rosalía. Breixo Ramírez ( na foto) gañou un premio polo seu vídeo poema.