O vindeiro luns 25 de setembro levaremos a cabo a reunión coas familias segundo o seguinte horario:
En primeiro lugar reuniremos ás familias no salón de actos. O equipo directivo e a orientadora darán unha serie de indicacións de carácter xeral. Despois as familias subirán co titor ou titora correspondente á aula do grupo.
No día de hoxe publicáronse as listaxes provisionais de admitidos e excluídos para as axudas de libros.
Poden consultarse telematicamente na aplicación Fondolibros, identificándose con certificado dixital ou Chave 365, ou presencialmente, no taboleiro interior do instituto en horario de 9:00 a 14:00.
Deben comprobar que a cantidade de libros que lle asignan corresponde co nivel da renda familiar. É importante que se algún membro da familia non marcou na solicitude que ten discapacidade do 33% ou por enriba nolo comunique.
En caso de detectar algún erro, dispoñen de dous días, 13 e 14 de xullo, para avisar no centro e corrixilo. O 26 de xullo publicaranse as listaxes definitivas e daquela saberán os libros concretos que lles corresponden.
No documento adxunto poden consultar os libros que se empregarán no curso 2023/2024.
Antes de realizar ningunha compra lean detidamente o apartado de "Observacións" xa que nalgunhas materias se indica expresamente que se espere ás indicacións que dea o profesorado e iso será en setembro.
No caso da ESO, lembren que as listaxes provisionais de beneficiarios e beneficiarias de Fondolibros se publicarán o 12 de xullo e as definitivas o 26 de xullo.
Estas listaxes estarán expostas no taboleiro do centro ou poderán consultarse na aplicación Fondolibros identificándose con certificado dixital ou Chave 365.
Seguindo a normativa vixente publícase, nun documento adxunto, o calendario de reclamacións contra as cualificacións e decisións de promoción e titulación na convocatorias final da ESO e extraordinaria de bacharelato de xuño de 2023.
Achégase así mesmo o modelo do impreso en formato PDF que tamén está dispoñible na secretaría do centro.
Prazos:
Documentación:
Para todo o alumnado:
- Impreso de matrícula cumprimentado. Os impresos seranlles entregados ao alumnado o día 26 de xuño xunto co boletín de notas. Tamén estarán dispoñibles na conserxería do centro.
- Copia do DNI e da tarxeta sanitaria.
- Fotos tamaño carné co nome e apelidos escritos detrás (tres se é a primeira vez no centro e dúas o resto de anos).
- Todo o alumnado que se matricula en 3ºESO, 4ºESO ou Bacharelato ten que aboar o Seguro Escolar (1,12€).
Segundo as circunstancias familiares:
- Custodia en casos de separacións.
- Certificados de minusvalía.
- Informes médicos de cuestións que se aleguen.
- Acreditación da necesidade dunha segunda parada de autobús.
Xunta de Galicia - Consellería de Educación, 2013 | ||
