Skip to Content

Recomendámosche

O IES Nº1 subcampión no Campionato escolar local de xadrez

O equipo infantil do club de xadrez do Instituto Nº1 participou no campionato escolar local, que se celebrou na Casa da Xuventude durante o mes de marzo, acadando un bo resultado ao quedar subcampión nunha competición moi emocionante, pois tiveron que realizarse  encontros de desempate para a clasificación final.

CONCURSO DE RELATO SHAKESPEARIANO-CERVANTIVO

Co gallo da conmemoración neste 2016 do cuarto centenario do pasamento de Shakespeare e Cervantes o equipo da Biblioteca do  IES Número Un convoca un concurso de relato curto.

8 de Marzo. Día internacional da Muller

Durante estas semanas, e co gallo da conmemoración do día 8 de marzo, o equipo da Biblioteca preparou unha serie de actividades para que os titores/as e profesorado traballen na aula.

 

 

 

RIBEIRA, UN LUGAR MIL MUNDOS

Por terceiro ano consecutivo, celebramos Ribeira, un lugar mil mundos, co gallo do Día da Paz. Nesta ocasión, o alumnado de 1º ESO participou nun trivial, elaborado por eles, con preguntas sobre os países de procedencia do noso alumnado estranxeiro.

QUERES XOGAR AO XADREZ NOS RECREOS E NON ATOPAS UN LUGAR TRANQUILO?

A partir de hoxe podedes xogar ao xadrez nos recreos na aula 110. Disporemos varios taboleiros e fichas para que poidades xogar nun ambiente en silencio.

Pedídelle a Olga que vos abra a aula.

Se tedes calquera dúbida, falade con Trini.

COMEZO DO CLUB DE XADREZ

Esta semana comezamos unha nova edición do Club de Xadrez. Agradecemos a colaboración do profesor da Escola Municipal de Xadrez de Ribeira, Manuel Barros, nesta actividade coordinada polo profesor Ventoso.

COMEZO DO CLUB DE XADREZ. AVISO AOS PARTICIPANTES

O Club de xadrez comezará o vindeiro xoves, día 14, en horario de 16.30-18.00, na aula 106.

 

25N no IES Nº1

O alumnado colaborador do EDLG, coordinado por Dolores Calo, preparou este "photocall" polo que pasarán os rapaces e rapazas do centro para mostrar a súa repulsa pola violencia contra as mulleres.

XA TEMOS GAÑADORA DO CONCURSO DE FOTOGRAFÍA SAMAÍN 2015

Parabéns a SARA MARTÍNEZ de 1º ESO B, que resultou gañadora do noso concurso.

Recibe mención especial MANUEL NOVO de 1º Bach C pola calidade e orixinalidade da súa fotografía.

Grazas a todos os participantes.

Na seguinte presentación podedes ver todas as fotografías do concurso.

 

QUERES APRENDER A XOGAR AO XADREZ?

A partir de xaneiro comezaremos co Club de Xadrez. Se queres aprender a xogar, tes a oportunidade de facelo.

As clases serán pola tarde, fóra do horario lectivo.

Se estás interesad@, apúntate na secretaría do centro.  Tes de prazo ata o 17 de novembro.

Distribuir contido


by Dr. Radut