Este luns, 15 de maio, como inicio da Semana das Letras recibimos no Club de lectura a visita do escritor Antón Riveiro Coello. Será no Parladoiro ás 17.40h.
Este xoves trasladamos as actividades do Parladoiro ao patio cuberto, xa que o alumnado do EDLG decidiu organizar unha xornada de xogos populares. A actividade resultou todo un éxito, con moitos participantes que decidiron pasar un recreo divertíndose cos xogos de toda a vida.
O xoves trasladamos as actividades do Parladoiro ao patio cuberto. Alí teremos preparados xogos populares para pasar un recreo divertido. Non faltedes!
Este xoves, 27 de abril, no Parladoiro teremos....KARAOKE!
Estades todos e todas invitados a vir cantar (ou escoitar os que canten). Temos preparadas cancións de todos os estilos e gustos musicais e, por suposto, en galego!
No recreo do xoves 20 no PARLADOIRO (aula 001) haberá unha DEGUSTACIÓN DE SOBREMESAS elaboradas polo alumnado do EDLG. A porta estará aberta durante o recreo para que todo o mundo poida probar as sobremesas e decidir co seu voto cal é a mellor.
No club de lectura "Lecturas con Agustín" foi a quenda do alumnado de 1º e 2º da ESO. Nesta ocasión o libro seleccionado foi Contos por palabras. Despois de xantarmos todos xuntos na cafetería, subimos ao salón de actos e alí estivemos charlando, comentando e intercambiando impresións sobre o libro. Resultou unha xuntanza de moito proveito!
