O alumnado do EDLG estivo durante os recreos do mes de outubro preparando contos de defuntos, aparecidos, misterio... para o Samaín. Na semana do 4 ao 8 de novembro van ir polas aulas de 1º e 2º ESO para contárllelos aos seus compañeiros e compañeiras deses cursos.
Onte foi un día especial para o noso EDLG, seis alumnas de 4º da ESO foron ao CEIP de Palmeira para contarlle ao alumnado de 6º de Primaria contos de Castelao dos libros Retrincos e Cousas. O alumnado de 6º agasallounos cun recitado de poesía.
Continuamos coas reunións das direrentes seccións do club de lectura. Este martes, 5 de febreiro, foi a vez do alumnado de 1º da ESO que leu o libro A chave das noces.
O 30 de xaneiro, Día de Castelao, o alumnado de 4º da ESO desprazouse ata Santiago para ver a exposición "Castelao Maxistral" na Cidade da Cultura. Completamos esta actividade cunha visita ao patrimonio da USC.