Visitas do alumnado do IES Miraflores á Domus

O venres 25 de febreiro remataron as visitas á DOMUS do alumnado de terceiro da ESO, organizadas polo departamento de Bioloxía e Xeoloxía. O obxectivo da saída era asistir á disección dun corazón no "Laboratorio aberto." Resultou unha actividade guiada moi didática na que, logo de repasar a anatomía e fisioloxía deste órgano, puideron observar e interactuar coa súa estrutura interna.

Aproveitando que estabamos alí, visitamos a exposición BOCADOS, os alumnos e alumnas percorreron os diferentes paneis que a integran, en busca das respostas do cuestionario interactivo "kahoot" deseñado para a ocasión. Sen dúbida, un xeito diferente de seguir aprendendo!