CHARLA ASEICA

Conmemorando o día da nena e da muller na ciencia, dende o departamento de Bioloxía e Xeoloxía, participamos no evento Conócelas 2022, coordinado pola Asociación Española de Investigación sobre o Cancro (ASEICA), e que ten como obxectivo visibilizar o traballo das mulleres investigadoras. As alumnas e alumnos do Bacharelato de Ciencias do IES Miraflores conversaron coa bióloga Tania Montes, que nos relatou como chegou a ser investigadora oncolóxica e coordinadora do laboratorio e como é o día a día nun laboratorio de investigación biomédica.