Actividades Complementarias e Extraescolares

PREPARADOS/AS, LISTOS/AS... QUE VOLVE A CARREIRA DA LUZ!!

Para os/as que sodes novos/as no IES Miraflores, contarvos que a Carreira da luz é un proxecto, deseñado dende o centro no 2017, que pretende ser unha actividade deportiva, á vez que solidaria e de convivencia de toda a comunidade educativa, na que se involucre o maior número de persoas de todas as idades, e non só de Oleiros, senón tamén das localidades limítrofes.

Unha das máximas do IES Miraflores é educar en valores e inculcar boas prácticas como a participación en actividades deportivas e saudables, a cooperación ou a solidariedade con aquelas persoas que máis sofren de aí que, se hai a motivación de correr ou de colaborar, na medida das posibilidades de cada un/ha, por unha boa causa, sabendo que o teu esforzo vai contribuír a mellorar un pouco a vida das persoas, o éxito está garantido.

Nesta ocasión, a nosa colaboración irá para un proxecto en Malawi do que teredes toda a información en breve nesta web así que ide buscando participantes e colaboradores, calzando as vosas deportivas e vestindo a vosa camiseta solidaria que o venres, 26 de abril, ás 20:00 horas, levarase a cabo, no Polígono de Iñás, a VI edición da Carreira da luz!

Toda a información relativa á carreira pode consultarse no seguinte enlace

A inscrición pode realizarse no seguinte enlace. É importante recordar que é preciso subir un xustificante do ingreso bancario (fotografía ou pdf)

O alumnado de 3ºESO A, con 2 monitores e 2 profesoras (Rocío e Vanessa), fomos o xoves 2 de marzo a unha excursión a Mondoñedo para coñecer lugares de Galicia e para coñecer a vida dun gran escritor, Álvaro Cunqueiro.
A excursión comezou ás nove cando subimos ao bus. No bus estivemos vendo filmes e escoitando música xa que nos asentos había unhas pantallas moi grandes con xogos, películas, música, series… Despois de case 2 horas no bus, baixamos e camiñamos ata chegar a un gran seminario, no que Fran, o noso monitor, explicounos que era e que nel estudou Noriega Varela. Despois de ver o seminario paramos na Fonte Vella, sacamos unhas fotos, e, comezamos a ruta do “Roteiro da auga”. Na ruta observamos a natureza e rimos moito porque houbo moitas caídas por culpa da lama. Rematamos a ruta moi contentos ao ver a fervenza tan bonita que había.
Á hora de xantar fomos a unha área recreativa, na que comemos moito, todos tiñamos moita fame pola camiñada. Cando rematamos de comer algúns compañeiros e eu baixamos a ver a outra fervenza que había alí.
Sobre as catro da tarde, visitamos a vila, na que atopamos a praza principal coa Catedral e tamén visitamos o museo de Álvaro Cunqueiro no que aprendemos moitos datos sobre el. A continuación fomos a un Mosteiro alí, un home contounos e falounos do Camiño de Santiago e dos antigas costumes dos peregrinos. Cando rematamos a nosa visita os monitores deixáronnos un tempo libre para explorar a vila. Nese tempo cunhas compañeiras da clase fomos ao supermercado a mercar algo para merendar.

Finalmente, sobre as seis, subimos ao bus para volver a Coruña. Nesas case 3 horas algún durmimos e outros seguiran vendo as películas, falando ou escoitando música.
Foi unha viaxe moi divertida e entretida na que aprendín moitas cousas e descubrín un lugar novo, Mondoñedo, terra de grandes escritores.
Iria, 3 ESO A

Que boa sorte tivemos de poder descubrir a vila de Rianxo coa súa historia na que destaca a canción da RiAnxeira e as casas de tres escritores fundamentais a nivel nacional: Manuel Antonio, Rafael Dieste e Alfonso Daniel Rodríguez Castelao.

Empezamos a mañá chuviosa coa canción da Rianxeira, todos con moitas gañas de pasar o día xuntos e motivados de aprender sobre a historia da pesca e da literatura galega. Ao chegar a Rianxo visitamos o bonito monumento da Rianxeira. Descalciña, como di xa o texto, foi representada como a rapaza xove que nos imaxinamos. Na mesma zona, no porto de Rianxo, hai monumentos dos outros persoeiros importantes que destacan no ámbito da literatura dos cales os educadores nos contaron feitos interesantes.
Mais non só o fondo literario é o que fai de Rianxo unha vila particular, senón que tamén os monumentos que representan o fondo da pesca rianxeira e que lle dan o toque mariñeiro á vila. Sabedes que o remo dun barco pesqueiro mide catro metros e medio? É a medida do ancho das casas de cerca do porto.

Entre rir e falar moito, pasounos rapidiño o tempo. Despois do paseo informativo no porto de Rianxo, seguimos polo centro da vila, onde nun café paramos e cantamos a Rianxeira outra vez, agora acompañados pola gaita tradicional.

Logo fomos ao Museo do mar, onde descubrimos algunhas cousas máis da pesca rianxeira, por exemplo a construción dun barco pesqueiro, o proceso da pesca ou a cría dos mexillóns.
Pouco a pouco, o noso tempo en Rianxo estaba esgotándose. Despois dun pequeno descanso no que algúns comeron e outros xogaron ao xadrez, fixemos unha caza do tesouro pola costa. Aínda que a choiva volvera, algúns de nós bañáronse na praia antes de empezar o viaxe a casa cheo de cantar, rir e falar. Moitas grazas por posibilitar ese día inesquecible.

Elena Djordjevic 1º BAC C

As alumnas Alba Echeverri, de 3ºESO-C, e Claudia Soler, de 1ºESO-A, foron gañadoras no Concuro de Debuxo organizado pola Asociación da Prensa baixo o título Picaso Coruñés.

Noraboa ás gañadoras e felicitacións a todos os participantes e ao profesorado que colaborou pola calidade dos traballos presentados.

No seguinte enlace pódese acceder a unha reportaxe sobre o Concurso

Elena DJordjevic (1° BACH C) Y Ruth Torres Ávila ( 1° BACH A) han resultado ganadoras en el Concurso de MICRORRELATOS organizado por el Departamento de Lengua y Literatura, dentro del proyecto POLOS CREATIVOS.

¡ENHORABUENA POR VUESTROS TRABAJOS!