Skip to Content

Dinamización lingüística

CONCURSO DE MARCAPÁXINAS.LETRAS GALEGAS2023

Dom, 23/04/2023 - 14:05

 

 

 

 

O Equipo de Dinamizacón da Lingua Galega do IES Miraflores convoca VI Concurso de Marcapáxinas das Letras Galegas 2023. FRANCISCO FERNÁNDEZ DEL RIEGO.

O tema deste ano é a figura de Francisco Fernández del Riego, homenaxeado este ano no Día das Letras Galegas

1. Participantes

Pode participar no  concurso todo o alumnado do centro.

2. Formato

O marcapáxinas realizarase nun rectángulo aproximado  de 21cm x 5cm. Debe ser cartulina sen motivos en relevo . A técnica será manual e libre e efectuarase  por unha soa cara.

Deberá recoller o texto: DÍA DAS LETRAS GALEGAS 2023.FRANCISCO FERNÁNDEZ DEL RIEGO.

3. Presentación de traballos

O marcapáxinas terá que recoller o nome do alumno/a e o curso.

4. Prazo e lugar de presentación

Os marcapáxinas serán recollidos polo profesorado de Lingua Galega que imparta clase en cada curso e a data límite de entrega será o xoves 11 de maio.

5. Xurado

O Xurado estará composto por algún membro do Equipo directivo, a coordinadora do Equipo de Dinamización, un docente do centro e alumnado que pertence ao Equipo de Dinamización.

6. Criterios para a concesión do premio

A calidade e a orixinalidade dos traballos serán os criterios nos que se baseará o xurado para a resolución dos premios.

1º Premio. Agasallo e impresión do marcapáxinas para facer entrega ao resto do alumnado e profesorado

2º Premio. Agasallo

3º Premio, Agasallo

7. Entrega de premios

A entrega de premios  realizarase a mañán do venres 19 de maio na Biblioteca do IES Miraflores.

 

 

 

 

 

 

 

ANDREA MACEIRAS

Dom, 23/04/2023 - 13:45

O martes 18 de abril a escritora  Andrea Maceiras, estivo unha vez máis no noso centro. Esta vez para falar do seu libro Que me pare o corazón se te esquezo, publicado por Xerais.

O alumnado de 2º ESO puido facerlle preguntas sobre esta novela na que a protagonista Blue Shiva é a deusa das redes sociais. Na súa popular canle aparecen os retos virais máis arriscados. Pero tamén é unha deusa fráxil. A noite en que decide camiñar polo bordo dun edificio de dez andares, só desexa que a chuvia deteña a súa ousadía. Porén, Nordestal é unha cidade ventosa, e Blue Shiva precipítase ao seu propio abismo.Axiña as redes sociais difunden a nova da súa morte. Do outro lado da pantalla, Ada, que non pode crer que Blue Shiva xa non exista, pídelle axuda á súa irmá xemelga, Lúa, e convértea en cómplice involuntaria. Pola súa banda, Gabriel regresa a Nordestal guiado polos latexos do seu corazón.Narrada a dúas voces, Que me pare o corazón se te esquezo é unha historia sobre ese mar que nos axita por dentro e sobre aquel que se abre alén das nosas pantallas, tinguido pola peor sombra e, ao tempo, capaz da maior luz.

Contar con Andrea é sempre unha marabillosa experiencia.

A actividade estivo organizada polo Departamento de Dinamización Lingüística do IES Miraflores.

FALANDO A BOCA CHEA

Dom, 23/04/2023 - 13:35

O alumnado de 2º ESO desfrutou esta semana dunha sesión de contacontos da man de María Pontragha.

María da Pontragha é o alcume de María Iglesias, unha educadora e antropóloga que dende sempre mantivo un vínculo moi forte coa tradición oral, tanto a través da música coma da palabra en si. No 2009 comezou a súa andaina no mundo da narración centrándose na recuperación e actualización das historias populares e de tradición oral e cun gusto especial polas historias que se centran nas mulleres do país. É ademais percusionista e vocalista nos grupos Bouba e Lévedo, e vocalista no grupo Sacha na horta.

Os nosos rapaces e rapazas riron, cantaron e pudieron achegarse á tradición oral que tan arraigada temos en Galicia.

 

A actividade estivo organizada polo Departamento de Dinamización Lingüística do IES Miraflores en colaboración co Concello de Oleiros.

 

 

 

MENÚ MES DE DE ABRIL

Mar, 11/04/2023 - 05:58

CONCERTO DA CANTAUTORA M.J PÉREZ

Lun, 10/04/2023 - 05:22

O pasado 31 de marzo o alumnado de 2º BACH  do IES Miraflores puido desfrutar da actuación  de MJ Pérez, unha cantautora galega que bebe de diferentes estilos, co predominio do rock-pop nos seus primeiros álbums e cun xiro cara sons máis latinos e música de raíz no seu último disco. Suma case 200 concertos por toda Galicia e parte de Portugal.O seu traballo discográfico esta formado por 4 álbums, varios singles e diferentes colaboracións

“Casandra” é o terceiro álbum de MJ Pérez (primeiro de estudio) que ve a luz no ano 2017. Foi presentado en Arzúa o 30 de setembro dese mesmo ano.

Trátase dun traballo auto-producido e que conta coa gravación e mistura de Paco Cerdeira e o Máster de Chou.

A Actividade estivo organizada polo Equipo de Dinamización do IES Miraflores e o Concello de Oleiros.

YOLANDA CASTAÑO

Sáb, 11/03/2023 - 13:14

 

O alumnado de 4 ESO participou os días 9 (4 ESO B e C) e 3 de marzo (4 ESO A) no espectáculo poético realizado pola poetisa Yolanda Castaño, quen recitou algunhas das súas composicións, reproduciu varios dos seus videopoemas e comentou a súa experiencia de vivir da escrita en galego.

A actividade estaba organizada polo departamento de Lingua Galega o Equipo de Dinamización en colaboración co concello de Oleiros.

 

 

 

 

DÍA DE ROSALÍA

Mar, 07/03/2023 - 06:05

MENÚ COMEDOR MES DE MARZO

Mér, 01/03/2023 - 06:51

LEDICIA COSTAS NO IES MIRAFLORES

Lun, 13/02/2023 - 11:52

Ledicia Costas no IES MIRAFLORES

13 de febreiro de 2023

O alumnado de 4º da ESO do IES Miraflores tivo a grande sorte de poder compartir uns agradables momentos coa escritora viguesa, autora de obras como Escarlatina a cociñeira cadáver, O corazón de Xúpiter, Unha estrela no vento,etc.

A lebre mecánica, a súa última aportación ás Letras Galegas, foi o libro sobre o que versou a charla.

Os rapaces e rapazas puideron preguntarlle sobre as súas experiencias como escritora e sobre aspectos máis específicos da propia novela, unha novela de máxima actualidade sobre as apostas e os problemas da xuventude.

Unha experiencia única poder contar coa súa presencia!!!!

A actividade estivo organizada polo Equipo de Dinamización do IES Miraflores.

MENÚ FEBREIRO

Mér, 01/02/2023 - 07:12
Distribuir contido


by Dr. Radut