Skip to Content

Actividades Complementarias e Extraescolares

Resultado Concurso de decoración de aulas: FINAL 2020

Lun, 21/12/2020 - 15:17

O grupo gañador do Concurso de decoración de aulas Final 2020 celebrado no IES Miraflores foi:

1ºESO B, polo seu traballo e orixinalidade

 

Tamén recibiron sendos accésits polo bo gusto e trabllo adicado á decoración das suas aulas os grupos e Aula PT e 3ºESO-D

Felicidades a todos os participantes.

No seguinte enlace pódese acceder a un video recopilatorio da decoración das diferentes aulas.

Desexámosvos un bo nadal e que o vindeiro ano 2021 veña cargado de saúde e felicidade para todos.

Concurso de decoración de aulas: Final 2020

Ven, 11/12/2020 - 10:15

Convócase o concurso de decoración de aulas final 2020 do IES Miraflores.

Nos seguintes enlaces pódense consultar as bases e descargar a folla de inscrición:

BASES

Folla de inscricción

O xurado pasará o luns pola mañá polas aulas para decidir o resultado do Concurso

Especies invasoras

Xov, 10/12/2020 - 08:16

Estes días contamos no IES Miraflores coa exposición realizada pola asociación ecoloxista ADEGA sobre as especies exóticas invasoras.  Que son, como chegaron aquí, que problemáticas presentan e cales podemos atopar na nosa contorna son algúns dos aspectos que o alumnado está a coñecer mediante a visita aos diversos paneis instalados no segundo andar.  A exposición permanecerá no centro ata o día 18 de decembro.

Os que saen na foto son o grupo de CTMA de 2ºbach.

I Concurso de vídeo: IES Miraflores. Polo bo trato

Mér, 25/11/2020 - 07:09

Convócase o I Concurso de vídeo: IES Miraflores. Polo bo trato en conmemoración do día internacional da eliminación da violencia contra a muller.

O prazo de presentacións de traballo abrangue dende o propio día 25 de novembro ate o 8 de decembro.

Os traballos deberán subirse ao OneDrive do IES Miraflores, e entregar en vicedireccción un sobre coas autorizacións asinadas.

 

 

CLASIFICACIÓN PROVISIONAL IV Carreira da luz

Mér, 11/03/2020 - 10:32

No seguinte enlace pódese consultar a clasificación provisonal da IV Carreira da Luz.

Moitas gracias a todos por participar e colaborar.

Viaxe a Xenebra

Lun, 28/10/2019 - 07:02

Entre os días 18 e 22 de outubro, 19 alum@s de 2º de Bacharelato, que cursan Física e/ou Química, e 3 profesoras, realizamos unha viaxe a Xenebra (Suiza).

O obxectivo primordial desta actividade foi a visita as instalacións do CERN, o maior acelerador de partículas do mundo, onde se está a facer investigación punteira.

Aproveitando a nosa estancia na cidade, fixemos tamén visitas ás Sedes Europeas da Cruz Vermella e da ONU.

Tanto o alumnado como o profesorado participante consideramos que foi moi proveitoso para tod@s, aprendemos moitas cousas e gozamos dunha cidade preciosa no corazón de Europa.

 

Aquelando, con NOSA, na TVG , sábado 29 de xuño.

Xov, 27/06/2019 - 05:00

A emisión do programa "Aquelando" con NOSA vai ser este sábado na TVG. 

En teoría é as 11:45 da mañá, pero "hai que estar atentos que as veces nos adiantaron a emisión media hora" isto é o que nos di Manuel Vicente. 

Aquí tes un chio da emisión:  Clica na imaxe para velo

 

Roteiro Cultural e Literario Concello de Oleiros

Xov, 20/06/2019 - 12:13

O pasado venres  7 de xuño o alumnado de 1 Bach  realizou o roteiro cultural que coma estes últimos cursos organiza o concello de Oleiros. Este ano centrouse  nas figuras de Felipe Criado, Rosalía Mera e Luis Seoane, todos eles moi vinculados ao noso concello,
Por inclemencias meteorolóxicas o día 6 non se puido levar a cabo, pero ao día seguinte catro alumnos do IES Miraflores: Carlos Fuentes, Silvia Sereno, Alejandra Cancela e Álvaro Castro foron os encargados de expoñer a vida e obra destes persoeiros ante o alumnado do IES Neira Vilas.
Foi un verdadeiro luxo visitar a casa de Felipe Criado e compartir coa súa dona Mercedes Boado e o seu fillo moitas das súas vivencias, así como poder escoitar a Xurxo Lobato falar sobre Rosalía Mera...e coñecer máis polo miúdo a Luis Seoane...
O vindeiro ano.... máis...
A actividade estaba organizada pola Biblioteca Rialeda...

Mil grazas por contar outro ano con nós!!!!

Viaxando pola noite

Lun, 27/05/2019 - 15:55

No IES Miraflores quixemos este ano facerlle unha homenaxe a Xabier P. Docampo, que tanto se preocupou e ocupou da boa literatura xuvenil galega. O venres antes das vacacións de Semana Santa, o alumnado de 1ESO asistiu á representación de Viaxando pola noite, actividade proposta pola Rede de Bibliotecas Municipais. O actor coruñés Ramiro Neira deulle voz a varias historias escritas por Xabier P. Docampo no libro Cando petan na porta pola noite, libro do que os rapaces e rapazas leran con anterioridade o prólogo e un anaco do Cumpremortes, conto para o que inventaron un desenlace. Ramiro Neira faloulles de Xabier P. Docampo, a quen coñeceu persoalmente, e destacou que era fascinante escoitalo contar historias. Na foto, Ramiro posa con nós e co cartel que fixemos para lembrar a Xabier.

Visita ao Castelo de Pambre e o Mosteiro de Sobrado dos Monxes

Mér, 22/05/2019 - 18:19

O 21 de maio os alumnos e alumnas de 2º ESO fixeron unha excursión para coñecer dous enclaves moi destacados da historia medieval de Galicia. Pola mañá visitaron o Castelo de Pambre, no concello de Palas de Rei, onde puideron aprender como eran os castelos na Idade Media e disfrutar das magníficas vistas desde unha das poucas fortalezas que non foi destruída pola Revolta Irmandiña no século XV. Pola tarde tocoulle o turno ao Mosteiro de Sobrado dos Monxes, onde coñeceron un pouco mellor como era a vida dos monxes medievais. E, por suposto, tamén houbo tempo para o lecer e os xogos nestes marcos incomparables.


Grazas a todos e todas pola vosa participación!!

Distribuir contido


by Dr. Radut