O noso proxecto teatral “A literatura galega á escena” vén de recibir o Primeiro Premio de Innovación Educativa en Dinamización Lingüística obtendo a consideración de excelente segundo vén de resolverse na convocatoria de participación nos proxectos de Innovación Educativa en Dinamización Lingüística para os centros docentes de titularidade pública da Consellería de Cultura, Educación, Formación Profesional e Universidade durante o curso académico 2022/2023.
Estamos moi contentos polo premio ao esforzo e o traballo desenvolvido nunha actividade tan completa coma a do teatro que axuda ao desenvolvemento integral do alumnado como persoa, procura a destreza en comunicación verbal, mellora a coordinación e a capacidade de expresión, así como potencia a creatividade e a imaxinación, ademais de fomentar a capacidade de traballo en equipo e mesmo activar a superación e a colaboración co resto de participantes.
Parabéns a todos e a todas as persoas que o fixeron posible!!!
