Eventos

« Novembro 2018 »
LunMarMérXovVenSábDom
1234
567891011
12131415161718
19202122232425
2627282930

Departamentos

Logo de Bibliotecas Escolares de Galicia

Iniciar sesión

Usuarios conectados

Agora mesmo hai 0 usuarios e 0 invitados conectados.

Extraescolares

Viaxe fin de etapa de 2º BAC

Desde o 16 e ata o 19 de xuño, un grupo de alumnos e alumnas de 2º BAC foron de viaxe de fin de etapa a Praga, visitando a cidade e os seus arredores.

foto de grupo

Viaxe de intercambio do alumnado de 3º e 4º ESO

Un grupo de alumnos de 3º e 4º ESO do noso centro están a participar no intercambio co Collège Paul Eluard. Saíron o sábado 12 de maio para facer noite en Hondarribia e o domingo reemprenderon a marcha para chegar a Mur de Bretaña. O luns fixeron un roteiro polo Sur da Bretaña, coñecendo Locronan, Quimper e Concarneau. O martes achegáronse ao Mont Saint Michel, lugar emblemático de Francia, e pola tarde visitaron a fermosa vila de Dinan. Tamén tiveron tempo este xoves a celebrar o Día das Letras Galegas na Bretaña. Se picades na foto, tamén podedes acceder ao álbum e na seguinte ligazón tedes información sobre a visita no xornal Ouest France.

foto grupo de participantes no intercambio

Intercambio co Collège Paul Eluard

Como en anos anteriores, recibimos a visita de 40 alumnos do Collège Paul Eluard, dentro das actividades previstas no intercambio que mantemos co Centro de Mur de Bretagne.Despois dunha longa viaxe, chegaron a Sarria na tarde do 14 de abril. O programa de actividades foi intenso e diverso, con visitas á cidade de A Coruña, Santiago de Compostela e Rías Baixas. Ademais, o luns 16 puidemos compartir unha completa xornada en común, na que participaron os alumnos de 3º e 4º da ESO. Nese día, organizamos un festival no salón de actos no que os alumnos de Francés recitaron poemas do poeta francés Paul Eluard e fragmentos do Principiño e os alumnos de música interpretaron unhas cancións á flauta. Para completar a xornada en común, visitamos O Cebreiro e fixemos un tramo do Camiño de Santiago, entre o Alto do Poio e Filloval. O xoves 19 partiron de volta cara Bretaña, onde nos agardan ata o día 13 de maio no que lles devolveremos a visita.

foto de confraternidade na entrado do IES

Viaxe a Polonia

Os alumnos e alumnas de 2º de Bacharelato estiveron de viaxe por Polonia. Foi entre os días 13 e 18 de marzo. Visitaron as cidades de Cracovia e Varsovia e os campos de exterminio de Austzwich e Birkenau. Na primeira foto, o grupo atópase ante o Palacio da Ciencia e da Cultura da capital polaca e na segunda foto, vemos o grupo á entrada do campo de Birkenau.

foto do grupo á entrada do Palacio da Ciencia 

foto do grupo na entrada do campo de Birkenau

Visita didáctica á Feira de Oporto EMAF 2016

Os departamentos de Instalación e Mantemento e Fabricación Mecánica organizaron varias visitas, concretamente, á Feira Internacional de Máquinas, Equipamentos e Servizos para a Industrial (EMAF 2016) de Oporto, ao Centro de Investigación e Innovación de novos materiais e novas máquinas (AIEM) en O Porriño e ao estaleiro Cardama en Vigo. Os grupos que participaron foron 1º e 2º de CS Mecatrónica Industrial, 1º CM Mantemento Electromecánico, 1º e 2º CM Mecanizado e FPB e a viaxe foi durante os días 24 e 25 de novembro. Esta saída foi todo un complemento para a formación académica do noso alumnado destes ciclos formativos e da Formación Profesional Básica.

foto do grupo que visitou a Feira de Oporto

Viaxe cultural a Léon, Palencia e Burgos

Os días 26, 27 e 28 de outubro, alumnado de 3º ESO, 1º e 2º BAC do noso IES, percorreron León, a Vila Romana de la Olmeda, o xacemento de Atapuerca e Burgos nunha viaxe de estudos acompañados polas profesoras de Filosofía e Clásicas.

Se queredes ver fotos da viaxe, picade na seguinte ligazón: Álbum fotos ou premede na imaxe que se mostra deseguido:

Imaxe da viaxe a León- La Olmeda-Atapuerca-Burgos

Intercambio Collège Paul Eluard

Un grupo de alumnos/as de 4º ESO participaron do 23 ao 30 de abril nun Intercambio co Collège Paul Eluard situado en Mur de Bretaña. Do 12 ao 17 de xuño, os alumnos/as bretóns devolverannos a visita e terán oportunidade de coñecer diversas vilas galegas.

 

Viaxe ao BOM JESUS.

Viaxe dos alumn@s de relixión de 4º ESO, 1º e 2º DE BAC ao Bom Jesus, en Braga (Portugal).

ENCONTROS NA USC 2012

Viaxe ao Campus da Universidade de Santiago de Compostela, dentro do programa “Encontros na USC 2012”. 


CHARLA DO ESCRITOR XOSÉ MIRANDA

O venres día 2 de marzo, visitou o centro o escritor Xosé Miranda, onde deu dúas conferencias, unha aos alumnos de 4º de ESO sobre o seu libro "Morning Star" e a outra aos alumnos de 1º de ESO sobre o libro "Pel de lobo", respondendo aos alumnos todas as dúbidas.