O pasado 21 de xaneiro, os alumnos de Química de 2º curso de Bacharelato visitaron as instalación do CIQUS da Universidade de Santiago de Compostela. Asemade, logo visitaron o Museo de Historia Natural, acompañados polos profesores Cristina Viqueira, María Xesús Gómez, Miguel García, Pedro Rodríguez e Leandro Ponce. Este último deu unhas explicacións do arte que amosan diversos puntos da cidade.
Xusto antes das vacacións, cando estaba a rematar o 1º trimestre do curso, recibimos una fermosa sorpresa dos nosos corres de Fontenilles. Fixérannos uns calendarios en recordo do seu paso por eiquí no mes de outubro, ¡cantos recordos! estaban cheos de fotografías de momentos inesquencibles.
¿Qué iamos facer nós para sorprendelos? Pois fixemos isto, una felicitación en forma de vídeo para todos eles e as súas familias, velaiquí. Agardamos que lles gustara.
O noso agradecemento para tódolos participantes que nos adicaron un anaquiño das súas vacacións de Nadal, especialmente para os guionistas: Blanca, Carolina e Darío, quen fixo tamén labores de rodaxe. Parabéns.
Xa nos tarda en chegar o mes de abril para ir velos aló.
O alumnado de 1º e 2 da ESO adornaron os seus espazos de traballo e tamén fixeron actuacións nunha dura pugna por gañar o concurso. Un resumen pódese ver facendo clic na imaxe superior e no video que publicamos.
Os alumnos de 2º de Bacharelato foron o pasado 16 de decembro a UNITOUR, o Salón de Orientación Universitaria en Palexco, acompañados dos seus titores: Mario Juiz, Ana Mª Rodríguez Cabanela, Mar Sendino, Sonsoles Fernández, a vicedirectora Mª Rosario Soto e a coordinadora de Bacharelato, Beni Vidal.
Coa publicación das bases, facemos un chamamento á comunidade educativa para que as difundan entre o alumnado. A XI edición do Concurso Literario Rita Suárez Amado celebrarase no vindeiro mes de marzo, pero os traballos haberá que entregalos antes.
Fai clic na imaxe para ter acceso ás bases.
Actualización 26 Febreiro: Rematado o prazo de entrega dos traballos, próximamente anunciaremos a convocatoria da entrega de premios. Coma sempre, gracias anticipadas aos participantes. Un ano máis os membros do xurado tiveron traballo dabondo e decidir os gañadores foi unha grande responsabilidade.
Hoxe visitounos o escritor vigués, premio Blanco Amor 2005, Francisco Castro. O seu auditorio estivo formado polo noso alumnado de 1º da ESO. Máis dun cento de rapaces que mereceron xa un dez polo seu comportamento. Estiveron moi atentos á dinámica e entretida charla sobre a xénese da obra Chamádeme Simbad. Logo fixéronlle varias preguntas intelixentes. Francisco Castro respondeu de igual a igual, demostrando unha vez máis a importancia de sermos seres que len, conscientes dos problemas do mundo e do poder do individuo que sabe discernir as palabras sabias das palabras falaces.
Durante o mes de novembro, o alumnado de 1º da ESO, a través do departamento de EF, acudiu a realizar unha actividade tan gratificante como é o Patinaxe sobre Xeo, na pista ubicada no exterior do centro comercial Marineda. Axiña o alumnado de 2º pasará pola misma experiencia.
As imaxes foron tomadas polo profesor Alfredo Haz.
Lembrando a lexendaria canción de Edith Piaf "Sous le ciel de Paris", poidemos escoitar aos alumnos participantes no intercambio con Fontenilles (Francia) na sala de usos múltiples, o pasado 16 de outubro.
Unha nova edición do noso intercambio para alumnos de 3º e 4º da ESO púxose en marcha e 30 alumnos do collège Irène Joliot-Curie visitáronnos na nosa cidade a semán pasada..
As actividades realizadas foron moitas e os lazos estreitábanse cada vez máis. Agora toca o intercambio epistolar ata que chegue a primavera, aló polo mes de abril devolverémoslles a visita.
O momento da despedida foi triste pero esa tristeza hase ir tornando pouco a pouco en ilusión ante o achegamento da data elexida para viaxarmos nós ata terras galas.
Nestes días fixemos moitos amigos, agardamos que esa amizade que comeza, perdure moito tempo. Estamos seguros que na segunda parte deste intercambio verase fortalecida. Ata pronto amigos.
À très bientôt. Bises de nous tous.
Ampliación: O programa Boas Tardes da CRTVG recolleu a visita cando os rapaces visitaron Cambados. Aquí podes velo.
