Taboleiro

As fotos adxuntas dan conta da nova recollida por La Voz de Galicia da estrea deste xoven compositor, Federico Mosquera Martínez, exalumno do noso centro e fillo dunha profesora do mesmo. Estamos seguros que a súa prometedora carreira terá os seus frutos. Parabéns!

Coa presencia do Excmo. Sr. Alcalde de A Coruña, hoxe se entregaron os premios do II Concurso de Dibujo Picasso Coruñés.

Coma xa contáramos, a nosa alumna Lucía Blanco Míguens acadou un dos premios, baixo a dirección do seu profesor de Educación Plástica, Sr. Raúl Trillo.

Parabéns aos premiados!

Equipo de alumnos do IES Plurilingüe Eusebio da Guarda que participou na XXXII Olimpiada Gallega de Química de Bacharelato que se celebrou o 27 de marzo no distrito de A Coruña. De esquerda a dereita, os alumnos Álvaro Vila Latas, Juan Carlos Rivera Rey, Pedro Tomé Veira (3º posto), Uxía Couto Lareo, Gonzalo Cao Labora (5º posto) e Clara Rodríguez González, acompañados polos profesores do Departamento de Física e Química Mª del Carmen Díaz Cabanas, Pedro Luis Rodríguez Porca, Miguel García Rodríguez e Mónica Osuna Vitos.

O Colexio Oficial de Químicos de Galicia ven de publicar os resultados.

Parabéns!

O luns, 16 de marzo, visitou o noso Instituto a escritora coruñesa Andrea Maceiras. Disertou sobre a súa novela Nubes de Evolución e de seguido houbo un interesante coloquio cos nosos alumnos de cuarto da ESO e primeiro de Bacharelato, moitos dos cales leran previamente a obra. Andra Maceiras é poeta (gañadora do premio Díaz Jácome con Auga lonxincua) e novelista laureada (por exemplo, premio ‘Meiga Moira’ no 2014 con Miña querida Sherezade). O diálogo coa mocidade ela mesma confesaba que é unha das maiores satisfaccións que lle produce o seu labor literario. Ao final asinou libros. Desexámoslle desde aquí unha longa traxectoria  artística.

Este próximo xoves, día 12 de marzo, ás 18:00, a nosa Directora, Dª Isabel Ruso de Lago, impartirá unha conferencia titulada "Espazos de formación: o Instituto Eusebio da Guarda", dentro do ciclo 'Diálogos arredor de Picasso' que, co gallo dos 120 anos desde a primeira exposición do pintor malagueño, organiza a Casa Museo Emilia Pardo Bazán.

Estades todos convidados.

 

---

 

 

 

Velaiquí o programa para a entrega dos premios de mañá venres. Chegamos á décima edición cheos de ledicia e por iso a celebración será aínda máis especial. 

 (fai clic para ver as fotos)

Tras o éxito da primeira edición, celebrada o curso pasado, onte 23 de febreiro celebramos o Maratón de Lectura no salón de actos. Desde primeira hora, moitos voluntarios, foran alumnos, ensinantes, amigos,... amosaron a súa vontade de manter a chama da nosa lingua acesa sen interrupcións ata as dez da noite. E non só iso. Unha urna serviu para recoller os donativos que serán entregados á Cociña Económica da nosa cidade. Pronto actualizaremos esta información para dicir canto se recolleu. Grazas a todos por participar!

Se queres ver as fotos, fai clic na imaxe.