Excursión de 2º ESO ás Fragas do Eume

Os alumnos de segundo da ESO celebraron o fin de curso visitando un dos paraísos naturais autóctonos: as Fragas do Eume. Foi toda una experiencia de convivencia, diversión e de retos superados: cambiar a pegada do asfalto polo contato coa terra, sortear troncos e fiunchos sen esvarar, atravesar corredoiras agarrados a unha corda, comer ao aire libre e deixar o contorno tal e como o atopamos ao adentrarse nas Fragas navegando polo río en "kayak" e refrescándonos despois nas súas augas. Unha aventura, sen dubidalo, digna de volver a ser repetida.