Charla de estereotipos

Dentro das actividades organizadas como Escola Mentora do Parlamento Europeo, os alumnos de 1º de Bacharelato F asistiron a unha charla do equipo InGalicia, representado por Rosita Bugiolacchio, que acompañada de Maite Bustamante, da asociación Amiga, especialista en estranxeiría. Rosita presentou  o Proxecto Erasmus + EUQualizer, dirixido por cinco países: España, Malta, Finlandia, Turquía e Italia, no que se aborda a problemática dos estereotipos. Este proxecto ten a intención de promover o debate na contornoa educativa centrándose en catro ámbitos: comuniade LGTB+, desigualdade de xénero, discapacidade e racismo.

Pola súa banda, Maite Bustamante centrouse no traballo do terceiro sector para a atención das persoas que se atopan en situación de vulnerabilidade xurídica e social e animou ao alumnado para reflexionar e a actuar desde xa e no futuro, calquera que sexa eo seu proxecto profesional.

No taboleiro da Escola mentora do Parlamento Europeo pódese atopar máis información e unha petición para asinar pola exisencia dunha xornada contra os estereotipos.