Grupo COdos: Videoconferencia coa Antártida

O venres 6 de marzo o alumnado de 1º de ESO asistíu a unha charla por videoconferencia coa base científico-militar española Gabriel de Castilla na Antártida.
Esta é unha das bases que España ten na Antártida, e é unha base militar que da apoio a científicos que desenvolven proxectos na illa antártica decepción, onde está a base.
O alumnado de 1º de ESO, despois de escoitar unha explicación dos responsables da base sobre onde están, como son as instalacións, que fan durante a súa estadía, (agora van a marchar no buque Hespérides pois comeza o inverno antártico e deixan a base ata que comeza de novo a primavera) dunha pequena descrición dalgúns dos animais que atopan nesta zona e algunha tamén algunha anécdota. Seguidamente o alumnado tivo a ocasión de facerlles varias preguntas sobre os traballos científicos que están a desenvolver alí, como afrontan as condicións meteorolóxicas ou como se comunican cas súas casas.
Para finalizar o alumnado ten a ocasión de participar na campaña ‘apadriña un pingüino’ que se fai a través de internet e coa que recibirán un diploma persoal e acreditativo do apadriñamento dun pingüino (ao que eles lle poñen un nome). Na seguinte hora despois da charla parte do alumnado xa se puxo con isto.