blogue depedro.rodriguez

DEVOLUCIÓN LIBROS OBTIDOS POLO FONDO SOLIDARIO - 2021 

O prazo para devolver os libros será 17, 18, 21 e 22 de xuño na secretaría de 9:00 a 13:00h (só se recollerán libros neses días e nese horario).

Se tes materias pendentes para setembro entregarás eses libros do 3 ao 6 de setembro na secretaría de 9:00 a 14:00 h (só se recollerán libros neses días e nese horario).   

A falta de devolución dos libros é causa de exclusión do fondo solidario de libros de texto e das convocatorias de axudas. Igualmente no caso de que o estado no que son devoltos non permita a súa reutilización.

FONDO DE LIBROS e MATERIAL ESCOLAR 2021

• As listaxes provisionais están publicadas no taboleiro de anuncios do Instituto (consultas de 9:30 a 13:30 en xullo, de 10:00 a 13:00 en agosto).

• Tamén poden ser consultardas na aplicación fondolibros por aqueles solicitantes que teñan Chave365 ou certificado dixital ou equivalente.

• A partir do 2 de agosto, de 10:00 a 13:00 h, poden recollerse nas oficinas do Instituto os vales ou cheques do material escolar.

A profesora deste Instituto Paula Cadaveira López premiada nos proxectos máis innovadores de ensino de Xeografía e Historia da Universidade de Vigo. Noraboa!

 A alcaldesa Inés Rey recibiu no Concello ao alumnado da cidade con mellor nota de Selectividade, e alí estiveron as nosas alumnas Uxía Carrero Caramés e Lidia García Veiga e o alumno Luis Estévez Martínez, que estiveron acompañados polas profesoras Beni Vidal Tomé e Teresa Fraga Cisneros.

PREMIOS XVI CONCURSO LITERARIO RITA SUÁREZ AMADO

ACTA DO XURADO:

(Facer clic na imaxe para ver o documento completo)

Entrega de Premios:

A ENTREGA DE PREMIOS desenvolveuse o pasado venres 18 de xuño nun acto presidido polos pais de Rita Suárez Amado, Carmen e Juan, polo Sr. Don Gonzalo Trenor, Delegado Territorial da Xunta na Coruña, D. Jesús Javier Celemín Santos, Cuarto tenente de alcaldesa, Concelleiro de Educación, Memoria Histórica, Innovación, Industria e Emprego, Sr. Don Xurxo Couto, Deputado de Cultura, Políticas de Igualdade de Xénero e Normalización Lingüística da Deputación da Coruña, dona Belén Vaamonde, presidenta da AMPA.  Acompañounos, como é habitual, a familia de Rita e a súa irmá, Alba, que dirixiu aos asistentes unhas emotivas palabras.

Actuación musical a cargo de Celia Veiga Rodríguez e Lucía Gómez Forteza de 3ºESO, Bruno Veiga Rodríguez, Elena Gómez Forteza, Yolanda Rey Chenlo e Manuel Torrado Sánchez de 2ºESO e Álex Solsona Santás de 1ºBAC.

A Comunidade Educativa do Instituto Eusebio da Guarda quere transmitir a súa orgullosa felicitación aos premiados e anima a todos aqueles que teñan inquietudes literarias a participar o curso  2021-22 no seu certame literario. 

Fotos:

Entrevistas, a cargo do alumno Santiago Vilas Subirán (3ºESO) e o profesor Manuel Varela Domínguez:

Solicitude de praza e matricula  nos  ciclos de Axencias de Viaxes e Xestión de Eventos e Guía, Información e Asistencia Turística. 
 
Aberto o prazo para a solicitude de prazas nos ciclos de grado superior do 25 de xuño ata o 5 de xullo ás 13:00 horas. 
 
O calendario para solicitar praza e matricularse ven dado no seguinte enlace http://www.edu.xunta.es/fp/webfm_send/9208
 
Matrícula para 1º:  
Solicitude e Matrícula: a través da aplicación web e formalización da matrícula no instituto.  
 
Matrícula para 2º: 
Alumnado de 1º do curso 2020/21 promocionado a 2º, matrícula entre o 25 de xuño e o 5 de xullo.

Alumnado doutros ciclos: solicitude no centro (25 de xuño ata o 5 de xullo ás 13:00), impresos en conserxería e na páxina web; para a adxudicación, matrícula, mesmos prazos que en 1º 

SOLICITAR O TÍTULO DE BACHARELATO

(Trámite imprescindible para presentarse a ABAU).

• Impreso cuberto cos datos do alumno-a, terás que cubrilo e imprimir 1 copia.

• Seguir as instrucións para pagar as tasas.

Presentar os dous impresos o 29 de xuño na Secretaría xunto cos impresos da ABAU.

MATRÍCULA EXTRAORDINARIA ABAU (Selectividade)

O alumnado que desexe matricularse da ABAU, unha vez cuberta a documentación e pagadas as taxas da ABAU e do Título de Bacharelato, deberá entregar na secretaría do centro, o 29 de xuño, a documentación que se relaciona a continuación:

• Fotocopia do DNI ou Pasaporte (no caso de estranxeiros).

• Impreso de matrícula da ABAU. Cubrilo e imprimir 1 copia desde ese enlace.

• Resgardo acreditativo de ter aboados os prezos públicos de matrícula: cubrir este impreso e imprimir 3 copias.

Unha vez feita a matrícula, o alumnado poderá acceder á aplicación Nerta cunha conta de usuario que lle chegará polo seu correo electrónico. Premer para ver as instruccións correspondentes.

Importe do prezo de matrícula ABAU:

• Ordinaria:  63,67 Euros

• Familia numerosa - Categoría xeral: 31,84 Euros

• Familia numerosa – Categoría especial: Gratuíta

O alumnado que alegue ser membro de Familia Numerosa, deberá aportar xunto co xustificante bancario, fotocopia compulsada do Título de Familia Numerosa.

• Persoal das Universidades do SUG: Gratuíta. A gratuidade deberán acreditala mediante certificación dos respectivos Servicios de Persoal e, no caso de cónxuxe ou fillos, ademais por medio da fotocopia do libro de familia onde figure o matrimonio e o alumno/a.

• Persoas con discapacidade (33%), vítimas de terrorismo ou de violencia de xénero: Gratuíta

Publicación listaxe matriculados:

O 30 de xuño no Instituto pódense revisar os datos e pódese interpor reclamación dende as 9:30 ata as 14:00 horas na secretaría se hai algún erro.

EXAMES ABAU

Lugar, para o alumnado do IES Eusebio da Guarda: Facultade de Filoloxía. Campus da Zapateira. A Coruña.

Datas convocatoria extraordinaria: 13, 14 e 15 de xullo

Horario das probas

Máis información: CiUG