Presentámosvos aquí as fotos dunha das reunións informais que este grupo realiza na biblioteca cada 15 días. Estamos a ler Ollos de Auga de Domingo Villar.
Presentámosvos esta pequena guía de lecturas para pasar estes días de lecer, pero se realmente queredes pasar medo achegádevos á biblioteca mañá no recreo e veredes o que é bo… ou malísimo…
Todo un éxito, como xa vén sendo habitual, a presentación dos clubs de lectura no instituto. Parece que isto de alimentar o corpo e a mente éche moi efectivo .
Achégase o tempo do medo, o tempo das cabazas , das historias de mortos , e das pantasmas . Un ano máis no instituto convocámosvos a unha oportunidade única de facernos tremer …e rir.
Lede as bases que siguen e deixádevos levar pola imaxinación para facernos pasar un mal rato.
Ao longo do ano temos unha chea de celebracións e efemérides que moitas veces non sabemos moi ben de onde proceden, pois ben, neste DÍA INTERNACIONAL DO LIBRO que con tanto fervor celebra o conxunto do mundo cultural vimos de conmemorar a morte -o 23 de abril de 1616- de os dous escritores máis grandes da literatura universal: Miguel de Cervantes e William Shakespeare, xunto co Inca Garcilaso de la Vega, pero por se fora pouco tamén nesa data naceron ou morreron escritores da talla de Nabokov ou Josep Pla .
Por este motivo un organismo tan importante como a UNESCOescolleu esta data en 1995 para “render unha homenaxe mundial ao libro e aos seus autores e para alentar a todos, especialmente aos máis novos adescubrir o pracer da lectura e respectar a insubstituíble contribución dos creadores ao progreso social e cultural”. Temos que dicir que xa en España en 1926 Alfonso XIII asinou un decreto no que se creaba oficialmente a Festa do Libro Español ,en outubro, pero foi en 1930 cando se instaura definitivamente a actual data como Día do Libro , tradición que rapidamente colleu pulo en Cataluña grazas á coincidencia co día do seu santo Patrón coñecido como a Diada de Sant Jordi.
Esta data tamén é a elixida para celebrar a entrega anual dos Premios Cervantes, o máis importante galardón para as letras hispanas, e nós , a parte de con este artigo, queremos contribuír cunha sorpresa á volta de vacacións de Semana Santa.Non deixedes de pasar pola biblioteca en calquera dos recreos da semana do 26 ao 29.
IES EDUARDO PONDAL
