Skip to Content

Visita do 2ºcurso de ESO a Santiago de Compostela

Ven, 05/04/2024 - 17:42 — carina

Hoxe o alumnado de 2°ESO, acompañado polas profesoras Marta Rivadulla Bendaña e Milagros García Rajoy, visitou a catedral de Santiago de Compostela.
Alí coñeceu de primeira man o Pórtico da Gloria do Mestre Mateo e as principais características estilísticas do románico e do barroco galego.

A saída rematou no Museo do Pobo Galego, onde visitaron o Panteón de Galegos ilustres e a única escaleira triple helicoidal de Domingo de Andrade.

Parabéns ao departamento de xeografía e historia pola iniciativa e organización. 

Avaliación de diagnóstico no 2º curso de ESO

Ven, 22/03/2024 - 15:52 — carina


En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado do 4ºcurso de educación primaria e 2º curso de educación secundaria obrigatoria. No caso de Galicia, terán lugar os próximos días 10 e 11 de abril 2024.
Pode atopar máis información, prema na seguinte ligazón:

https://www.edu.xunta.gal/portal/sites/web/files/ad2324_faq.pdf

Presentación da Lectura Continuada da obra « A República dos Sonhos » de Nélida Piñón.

Mér, 20/03/2024 - 18:00 — carina

Onte tivemos o pracer de realizar no noso centro a presentación da Lectura Continuada da obra « A República dos Sonhos » de Nélida Piñón.
Esta interesante iniciativa parte da AGAL (Associaçom Galega da Língua) e conta coa colaboración do noso concello de Cerdedo-Cotobade.

Aberto o prazo de solicitude de bolsas e axudas do Ministerio para estudos postobrigatorios

Mér, 20/03/2024 - 11:53 — carina

Aberto o prazo para as solicitudes de bolsas e axudas a alumnos de niveis postobrigatorios. Desde o 19 de marzo de 2024 ás 09:00 ata o 10 de maio de 2024 ás 15:00.

Ligazón: 

https://www.educacionyfp.gob.es/servicios-al-ciudadano/catalogo/general/05/050130/ficha/050130-2024.html#dg1

Obradoiro do Programa Coeducación e Educación non sexista da Cruz Vermella Xuventude

Xov, 07/03/2024 - 18:04 — carina

Hoxe o alumnado de 2º e 3ºESO asistiu ao obradoiro do Programa Coeducación e Educación non sexista da Cruz Vermella Xuventude, enmarcado na Campaña do 8 de marzo polo Día Internacional da Muller. Obradoiro dirixido por Marta Peón Filgueira, Educadora Social da Cruz Vermella.


Plan Proxecta Quérote +

Mar, 05/03/2024 - 14:12 — carina

Continuamos traballando a educación afectivo-sexual a través do Plan Proxecta Quérote +, falando sobre a orientación do desexo e cuestionando o modelo do amor romántico que sustentan as relacións de maltrato.

O día 12 de marzo, para as familias e o día 21 de marzo, para o alumnado de 3ºESO, terá lugar un obradoiro complementario impartido pola psicóloga Noa Tilve Cabada, coordinadora dos centros Quérote +. 


Día de Rosalía de Castro 2024

Ven, 23/02/2024 - 17:09 — carina

 

Programa Quérote +

Mér, 07/02/2024 - 16:34 — carina

Dende as titorías de 3ºESO seguimos traballando a educación afectivo-sexual co programa Querote + . Que é a sexualidade? Que é o desexo e a identidade sexual? Dende o respecto pola diferenza,  nos xeitos de sentir e desexar.
Velaquí algunhas fotografías relacionadas coas actividades 2 e 3 do programa.

 

Visita ao Xulgado de Pontevedra

Xov, 18/01/2024 - 18:11 — carina

Esta mañá o noso alumnado do 3º curso de ESO visitou o Xulgado de Pontevedra dentro do programa “Educar en Xustiza” promovido polo TSXG. 

Parabéns ao departamento de xeografía e historia pola organización e iniciativa. 

Visita ao museo de Pontevedra e teatro en inglés

Ven, 12/01/2024 - 13:35 — carina

O pasado xoves 11 de xaneiro, os grupos de 1º e 2º curso de ESO asistiron á representación da obra de teatro en inglés I Spy, na sede da Fundación ABANCA en Pontevedra.

O noso alumnado desfrutou da interpretación dos membros da compañía Face to Face e dalgúns dos grandes artistas que temos entre nós.

Ademais, o alumnado de 1ºESO fixo unha visita guiada ao Museo de Pontevedra, polos edificios Castelao e Sarmiento. Coñeceron o Tesouro de Caldas, a historia da fábrica de cerámica de Sargadelos, a pintura do século XVIII e a obra completa de Castelao.

Parabéns aos departamentos de inglés e de EPVA pola iniciativa e organización.

Distribuir contido


by Dr. Radut