IES Castelao

          O  Departamento de Inglés ven de organizar os pasados días 20 e 21 de decembro de 2017 unhas charlas culturais sobre distintos aspectos da cultura británica (Food & Drink, The Royal Family, Sport, Music, English Literature...) impartidas por Tammy, unha representante da editorial Burlington Books para todo o alumnado da ESO e 1º Bacharelato.
          Dun xeito interactivo e moi divertido, o noso alumnado tivo a oportunidade de amosar os seus coñecementos e aprender moitos outros aspectos sobre a cultura británica, ao mesmo tempo que participaba no famoso concurso “Who Wants to be a Millionaire?” ... e moit@s mesmo gañaron un premio!

     O martes 14 de novembro de 2017 o alumnado de 3º ESO e 4º ESO tivo a oportunidade de disfrutar dunha sesión de contacontos en inglés e galego da man de Sophie Heydel, narradora e actriz británica formada en The Guildhall School of Music and Drama (Londres), e Charo Pita, narradora galega profesional e escritora, organizada conxuntamente polos Departamentos de Lingua e Literatura Galega e Inglés.