IES Castelao

Fai clic na imaxe para abrir o tríptico en pdf:

Fai clic na imaxe para acceder á galería:

    O día 21 de abril un bo feixe de alumnos de 1º da ESO participaron na lectura dramatizada de versións adaptadas dalgúns capítulos do  Quixote. Tal actividade inseriuse na celebración que realizamos ao longo de toda a semana no instituto con motivo do IV Centenario da publicación da II parte do Quixote, en 1615.

    O público asistente, de 1º de ESO nunha sesión, e de 2º de ESO na realizada o día 22 de abril, puido tomar así contacto directo, quizais por primeira vez, co clásico das nosas letras. Volverano atopar en sucesivas ocasións ao longo da súa vida académica.

      Como xa vén sendo habitual, pois imos pola cuarta edición, celebramos o Día do Libro lendo aos clásicos. E este ano -como non!- tocaba ler o Quixote, só o Quixote, e non con outros textos como en ocasións anteriores. Porque este ano celebramos o IV centenario da publicación da súa segunda parte. As IV Lecturas Clásicas integrámolas, polo tanto, nas actividades que realizamos ao longo desta semana de abril como unha máis das organizadas  para festexar tal efeméride.

 O martes 21 de abril tivemos a sorte de que Jacinto Barreiro, que foi durante trinta anos profesor no IES Castelao, compartise con nós unha mínima parte do seu fondo coñecemento e cariño pola obra á que lle estamos dedicando estes días especial atención: o Quixote. Presentóunola como un clásico que é o seu libro de cabeceira, por razóns que sobradamente xustificou, e fíxonos unha emotiva, renovadora, limpa, aberta e esclarecedora primeira aproximación.

            O pasado xoves 30 de abril o alumnado de 1º e 2º da ESO e tamén o do PDC (3º e 4º) puido asistir á representación, no teatro-cine Salesianos, dunha selección de escenas dramatizadas da inmortal obra cervantina.

Tivemos uns invitados de excepción no vestíbulo. Pica na imaxe da esquerda para ver algunhas das fotos que compartiron connosco.

     O pasado venres 17 de abril as alumnas Berta e Bárbara de 2º da ESO-A, Valeria e Eva Katerina de 2º da ESO-C, acompañadas da súa profesora de Lingua castelá, Laura Morales López, participaron na  55.ª Edición del Concurso Jóvenes Talentos del Relato Corto, organizado por Coca-cola. O departamento de lingua castelá e literatura valora positivamente o seu traballo e implicación, de forma voluntaria, neste concurso e deséxalles moita sorte a todas elas.

     Corenta e cinco alumnos de 1º de Bacharelato (grupos A e B) participaron o xoves 26 de marzo cos departamentos de Lingua Castelá e Literatura e de Xeografía e Historia nunha actividade complementaria consistente nunha visita a Santiago e A Coruña.

     Saímos de diante do instituto ás 8:30 da mañán e este foi o itinerario que se percorreu:

     O mércores 17 de decembro todo o alumnado de 4º de ESO e mais de 2º de bacharelato do noso centro asistiu no salón de actos da Escola Oficial de Idiomas á representación do espectáculo teatral “TEMPESTADES” da compañía de Ricardo FRAZER.