IES Castelao

                                                 Peter Pan           J. M. Barrie

Peter Pan é un conto coñecido por moitos de nós. Poderiamos falar de múltiples adaptacións, como a de Disney, Hook protagonizada  por Robin Williams en 1991, a versión posterior do 2003… Pero eu vouvos falar da orixinal, de J.M. Barrie. Ou ao menos a miña opinión persoal.

   Escrita polo escocés James Matthew Barrie, tivo a súa primeira aparición en 1904 como unha obra teatral chamada Peter Pan e Wendy. Coñeceuse ata os nosos tempos como a típica historia infantil: Peter e Campaniña levan a tres nenos ao país de Nunca Xamais para ver aos nenos perdidos, aos indios, ao capitán Garfo e aos seus piratas. Xa, xa… Pois a verdade é que eu leveime unha non moi agradable sorpresa cando na metade da historia comézase a describir escenas sanguentas de batallas entre indios, piratas e… nenos? De verdade? Nenos desexando matar homes e homes desexando matar nenos? Dicíase que o autor baseábase nos fillos dunha familia amiga súa para crear a trama e os personaxes, pero a min rompeume un pouco a infancia lelo e ademais descubrir que as fadas viven pouco tempo, polo que na seguinte vez que Peter vai  ver a Wendy, o neno xa nin se lembra de Campaniña, esa pequena criatura que nos ollos de Disney serian compañeiros inseparables ata o infinito. Por outra banda, tamén son entretidas algunhas das aventuras relatadas, como a do Paxaro de Nunca Xamais. Esta é a miña opinión. Non sei se alguén a comparte, pero grazas por ler.

                                                                                P. A. R. (3º ESO A)