O luns 27-11-23, de 16:00 a 17:40 horas, todo o centro participa na conmemoración polo 25N e despois celebramos o Magosto. Haberá degustación de castañas asadas e, se a meteoroloxía o permite, poderase participar en xogos tradicionais no exterior.
A actividade está organizada polo Equipo de Dinamización da Lingua Galega coa colaboración do Departamento de Educación Física.
O alumnado de 4º ESO e 1º e 2º BAC participan no Auditorio de Ferrol nas V Xornadas de Orientación Académica e Profesional de Ferrol o mércores 28-02-2024 de 8:30 a 14:30 horas (todavía por determinar).
A actividade está organizada polo departamento de Orientación.
O alumnado de 4º A e PDC asiste a un taller sobre "Volencia de xénero no novo contexto dixital" o luns 20-11-23 de 16:00 a 17:40 horas.
Está impartido por June Pereiro do equipo de formación en Igualdade e Convivencia de Pantallas Amigas dentro das actuacións ofertadas pola Secretaría Xeral de Igualdade.
Organiza o Departamento de Orientación e o Concello de Cariño
O mércores 21 de xuño realizaranse diferentes actividades para despedir o curso escolar.
Ás 8:30 horas o alumnado subira ás aulas, pasarase lista e baixarán ao patio para ata aproximadamente as 10:30 xogar as finais das diferentes actividades deportivas que se viñeron ralizando nos recreos ao longo do curso.
Unha vez rematados os partidos realizaremos unha andaina á praia de Fornos co horario seguinte (son horas aproximadas):
10:30-11:30 horas: saída a pé do instituto e chegada á praia.
11:30-13:30 horas: tempo de lecer na praia e comida (o centro mercará como é habitual algo para comer e beber).
13:30 horas: regreso en bus ao instituto.
14:00 horas: recollida de material das aulas, saída dos buses e remate da xornada.
O 20 de xuño fixemos entrega dos exemplares da revista Fume cos traballos do alumnado que participou no obradoiro "A linguaxe da ilustración: unha forma visual de contar historias" realizado polo artista local Borja Guerrero Parapar. Grazas a Borja pola maquetación a OQO Editora pola impresión. Esperamos continuar coa formación o próximo curso!!!
Juanma García, director do IES Bembézar de Azuaga (Badajoz) púxose en contacto con David Loureiro, porofesor de Lingua Castelá do noso instituto, para unha colaboracíon dos dous centros.
Realizaron un TED que trata de glosar as bondades de localidades con nomes singulares como é o caso de Malcocinado (Badajoz) e Cariño (A Coruña) e demostrar que tras un nome chamativo alberganse grandes encantos.
Será Julia, alumna de 1º de BAC e natural de Malcocinado quen vai a facer a charla coa colaboración do alumnado de 1º de BAC de Cariño.
Grazas por pensar en nós!!!
.
Podedes atopar os 2 vídeos do proxecto completo no enlace ao TED:
O alumnado finalista do certame literario intercentros 'Exeria', xunto co alumnado que forma parte do EDLG, realiza unha visita a Redondela e á Illa de San Simón o luns 12-6-23 de 08:30 a 20:30 horas. A xornada inclúe unha ruta en catamarán pola ría de Vigo, o acto de entrega de premios do certame, unha excursión pola Illa de San Simón para coñecer a súa historia e un xantar de fraternización co alumnado finalista dos outros centros.
A actividade está organizada polo Equipo de Dinamización da Lingua Galega.
Todo o alumnado do centro participa no espectáculo A igualdade non ten truco o luns 29-05-23 de 16:00 a 17:30 horas.A compañía Magia en la Manga, integrada por Sara Rodríguez e Carlos Tomico, presenta un espectáculo que fai un percorrido por diferentes conceptos básicos do feminismo e procura promover a igualdade de xénero a través da arte do ilusionismo e das vivencias una maga contemporánea.
A actividade está organizada polos equipos de Biblioteca e Dinamización da Lingua Galega e o Concello de Cariño
O alumnado de 2º,3º e 4º ESO, 1º e 2º BAC asiste ao evento de manga, anime, cosplay y gaming de Galicia en A Coruña o sábado 27-05-2023 de 09:30 a 20:00 horas.
A actividade está organizada polo departamento de Lingua Castelá.
O alumnado que forma parte do Club de Ciencias participa nunha saída didáctica ás Illas Cíes e Pontevedra do 26-05-2023 ás 12:00 horas ao 28-05-2023 ás 15:00 horas.
A actividade está organizada polos membros do Club de Ciencias do IES Cabo Ortegal
