Skip to Content

DIA INTERNACIONAL DA VISIBILIDADE TRANS

Sáb, 23/03/2024 - 23:37 — eugenia.fer.rio

 

O día 31 de marzo celébrase o Día Internacional da Visibilidade Transgénero e no marco do programa Iguála-T, todo o alumnado de centro, agás 2º BAC, tivo a oportunidade de achegarse á figura do matemático e criptógrafo británico Alan Turing, un dos precursores da informática actual e o creador da máquina e do test de Turing. Durante a Segunda Guerra Mundial traballou para descifrar os códigos nazis empregados na máquina Enigma, tal e como queda plasmado na película “Descifrando Enigma” que viron na mañá de hoxe. Turing foi procesado por homosexual e suicidouse dous anos despois. 

 

   

DEFENSA PERSOAL NO IES AS TELLEIRAS

Mér, 20/03/2024 - 22:32 — eugenia.fer.rio

Onte o alumnado de 4º ESO do noso centro recibiu clases de defensa persoal a cargo da Escuela de Defensa Persoal e Policial HKF, no marco dos programas CP Inclúe-T e Iguala-T. Aparte de practicar como defenderse ante diferentes tipos de situacións, déronnos valiosos consellos: a mellor defensa comeza coa PREVENCIóN. Moitísimas grazas!! Unha tarde moi útil!!

PROXECTOS DE TECNOLOXÍA DE 1º DE ESO

Mér, 20/03/2024 - 21:54 — eugenia.fer.rio

Mostramos a continuación os proxectos do alumnado de 1º ESO que estivo traballando moi duramente no taller de Tecnoloxía coa axuda da súa profesora, Tamara Cercido. Fantástico resultado. Parabéns!!

 

 

AVALIACIÓN DE DIAGNÓSTICO 2023-24

Lun, 18/03/2024 - 22:38 — eugenia.fer.rio

 

Nos días 10 e 11 de abril, na Comunidade Autónoma de Galicia, vaise levar a cabo a avaliación de diagnóstico na que participará o alumnado de 2º da ESO. Trátase dunha proba anónima de carácter anual que comeza este curso 2023-2024 e que valorará as competencias do alumnado nas materias de linguas (castelán, galega e estranxeira) así como en matemáticas.  Non terá ningún efecto académico nin se reflectirá no expediente do alumnado. O obxectivo desta avaliación non é outro que obter información valiosa sobre o sistema educativo e o grao de adquisición das competencias en cada centro, tomando como referencia o alumnado de toda Galicia.

No seguinte enlace tedes información máis detallada.

OLIMPÍADA FILOSÓFICA DE GALICIA 2024

Lun, 18/03/2024 - 22:08 — eugenia.fer.rio

O pasado 14 de marzo, na final rexional da XI Olimpiada Filosófica celebrada en Santiago de Compostela, as nosas alumnas Vera Caneiro, na modalidade de Dilema Moral,  e Lara Díaz, na modalidade de Fotografía filosófica, acadaron un segundo posto, o que lles permite pasar á fase estatal, a celebrar en Bilbao os días 19 e 20 de abril.

Parabéns ás dúas e ao seu profesor de filosofía, Pablo López Sixto!!

Se queredes ver os traballos presentados, pinchade aquí.

EXCURSIÓN A TENERIFE 2024

Lun, 18/03/2024 - 21:08 — eugenia.fer.rio

O pasado mércores celebrouse a xuntanza de país de nais do alumnado de 4º ESO que viaxarán o próximo mes de abril a Tenerife. A información transmitida na mesma recóllese no seguinte arquivo. 

8M DÍA INTERNCIONAL DA MULLER

Lun, 18/03/2024 - 18:53 — eugenia.fer.rio

Celebramos este 8M Día Internacional da Muller con varias iniciativas, todas elas encamiñadas a mostrar os éxitos acadados por mulleres en distintos ámbitos da nosa sociedade. Igualmente, as profesoras do centro reflexionan sobre a súa vivencia persoal e como o feito de ser muller ten afectado ás súas carreiras profesionais. Orgullosas de servir de referentes ao noso alumnado!
   
       

ADMISIÓN DO ALUMNADO PARA O CURSO 2024-2025

Ven, 08/03/2024 - 20:09 — eugenia.fer.rio
O prazo de presentación das solicitudes ordinarias de admisión abranguerá do día 1 ao 20 de marzo de 2024, ambos incluídos.

    A solicitude de admisión realizarase no modelo ED550B-anexo II e a comprobación dos membros da unidade familiar no anexo II bis.     

   As persoas solicitantes poderán:

 - Cubrir os formularios na aplicación admisionalumnado e presentalos por vía electrónica, a través da sede electrónica da Xunta de Galicia, sempre que se dispoñan de certificado dixital ou de Chave365. O anexo II-bis, unha vez cuberto, deberán imprimilo, asinalo e axuntalo coa solicitude (anexo II).

  - Descargar os formularios da aplicación admisionalumnado, da sede electrónica da Xunta de Galicia ou da páxina web da Consellería de Educación, para cubrilos manualmente e entregalos de forma presencial.

EXCURSIÓN A LONDRES 2024

Mér, 06/03/2024 - 16:04 — eugenia.fer.rio

Para aqueles que non tiveron a oportunidade de asistir á xuntanza de familias do alumnado de 1ºBAC no concerniente á excursión a Londres, déixovos o enlace á presentación que alí se mostrou en formato descargable. Para calquera cuestión, non dubidedes en poñervos en contacto con nós.

 PINCHA AQUÍ
Distribuir contido


by Dr. Radut