IES As Telleiras

Reclamación ás cualificacións ordinarias de 1º de bacharelato

O alumnado de 1º de Bacharelato, poderá reclamar contra as cualificacións finais obtidas na convocatoria ordinaria, os días 13 e 14 de xuño, de 9:00 a 13:30 horas nos despachos de Administración do centro, e dirixirse ao director do mesmo. As reclamacións deberán ser formuladas polos seus representantes legais, ou ben polo propio alumno no caso de ser maior de idade.

Notificación de resolución de reclamacións

As notificacións de resolucións serán entregadas aos/ás interesados/as ou representantes legais o día 17 de xuño, na Xefatura de Estudos.

Reclamación ante Xefatura Territorial de A Coruña

Nun prazo de 48 horas desde a notificación da resolución, o alumno ou alumna, ou os seus representantes legais no caso de ser menores de idade, poden solicitar por escrito no centro, que a dirección remita o expediente de reclamación ante o Xefe do Departamento Territorial de A Coruña. Esta será presentada nas oficinas do centro dende o 18 ao 19 de xuño (até as 13:30 h do día 19 de xuño).

O pasado venres día 24 démoslle unha calorosa despedida ao alumnado de 2º BAC, cunha entrega de diplomas moi emotiva á que asistiron alumnos, familias e o persoal do centro, tanto docente como non docente, todos e todas moi elegantes. Logo, no hall do centro, disfrutamos duns pinchos moi saborosos e dunha mesa doce a mar de apetecible. Foron uns momentos entrañables na que recordamos anécdotas, repasamos traxectorias escolares e nos coñecimos un chisco máis nun ambiente distendido. Desexámoslles o mellor nesta nova etapa vital que están a piques de comenzar e gustaríanos recordarlles que Telleiras será sempre a súa casa.

Noraboa a todos e todas!

Bicos da que suscribe.

Orde do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25, que saíu publicada no Diario Oficial de Galicia o día 20 de maio.

O noso alumnado non pode recibir axudas para mercar libros de texto nin participar no fondo solidario de libros de texto, por tratarse dun centro E-Dixgal e estaren prácticamente todos os contidos a disposición do alumnado en plataformas dixitais, contando cun portátil cedido a cada alumno en calidade de préstamo. Porén, o alumnado SÍ pode solicitar axudas para mercar material escolar. As solicitudes presentaranse preferiblemente por vía electrónica a través do formulario normalizado (ED330B-anexos I e II), accesible dende a sede electrónica da Xunta de Galicia. Opcionalmente, poderanse presentar as solicitudes presencialmente no centro ou en calquera dos lugares e rexistros establecidos na normativa reguladora do procedemento administrativo común.

O prazo das solicitudes abrangue dende o día 21 de maio ata o 21 de xuño, ámbolos dous inclusive.

Para máis información, pinchade no seguinte enlace:

Instruccións fondolibros e material escolar 2024-25 

Reclamación ás cualificacións ordinarias de 2º de bacharelato 

O alumnado de 2º de Bacharelato, poderá reclamar contra as cualificacións finais obtidas na convocatoria ordinaria, os días 20 e 21 de maio, de 9:00 a 13:30 horas nos despachos de Administración do centro, e dirixirse ao director do mesmo. 

Notificación de resolución de reclamacións 

As notificacións de resolucións serán entregadas aos/ás interesados/as ou representantes legais o día 22 de maio, na Xefatura de Estudos. 

Reclamación ante Xefatura Territorial de A Coruña 

Nun prazo de 48 horas desde a notificación da resolución, o alumno ou alumna, ou os seus representantes legais, poden solicitar por escrito no centro, que a dirección remita o expediente de reclamación ante o Xefe do Departamento Territorial de A Coruña. Esta será presentada nas oficinas do centro dende o 23 ao 24 de maio (até as 13:30 h do día 24 de maio). 

Para máis información, consulta a orde (Instrución 10/2023 da Dirección Xeral de Ordenación e Innovacion Educativa pola que se establecen os plazos e o procedemento para as reclamacións das cualificacións finais no segundo curso de bacharelato ou da decisión de titulación nesta etapa educativa para o curso 2023/24)