IES Antonio Fraguas

 Accede aquí á Resolución da convocatoria e aquí á zona de información da web da Consellería de Educación sobre este tema

Datos máis importantes

(para acceder á información completa premer nos enlaces previos)

Proba para alumnado 4ºESO que queira acreditar nivel intermedio de Competencia Dixital

• O alumnado de 4ºESO que titule obterá automáticamente o nivel “iniciación”. No caso de querer obter o nivel intermedio debe superar unha proba.
• A proba específica para acreditar o nivel intermedio axustarase ás cinco áreas de dominio definidas no Marco galego de competencias dixitais (https://competenciasdixitais.xunta.gal/areas.html).
• A alumna ou o alumno debe responder nun tempo máximo de 90 minutos un total de 60 preguntas de diferente complexidade e tipoloxía referidas a cada unha das cinco áreas de dominio (12 preguntas por cada área).
• Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas.
• A proba é gratuita e para o alumnado de 4ºESO realizarase no mes de maio (data por determinar)
• Prazo de solicitude: 15 de marzo ata as 14:00 (modifícase o publicado na resolución)
• Formulario de solicitude: premer aquí (presentarase exclusivamente na secretaría do centro, non por correo)

Proba para alumnado 2ºBach que queira acreditar a área de dominio 4 do nivel intermedio de Competencia Dixital.

• A proba específica para acreditar a área de dominio 4, Seguridade e privacidade, axustarase á definición de dita área no nivel Intermedio no Marco galego de competencias dixitais (https://competenciasdixitais.xunta.gal/areas.html).
• A alumna ou o alumno debe responder nun tempo máximo de 20 minutos un total de 12 preguntas de diferente complexidade e tipoloxía.
• A proba específica da área de dominio 4 do nivel intermedio considerarase superada ao responder correctamente ao 60% das preguntas.
• A proba é gratuita e para o alumnado de 2ºBach realizarase no mes de abril (data por determinar)
• Prazo de solicitude: 15 de marzo ata as 14:00 (modifícase o publicado na resolución)
• Formulario de solicitude: premer aquí (presentarase exclusivamente na secretaría do centro, non por correo)
  

Programa de inmersión lingüística en Inglaterra.

INFORMACIÓN

Ao pé deste mesmo artigo podes acceder á información xeral do programa (xa publicada anteriormente)

Data de actualización: 03/04/24 (12:05)

Cita no aeroporto de Santiago de Compostela co alumnado: 

Xoves día 4/4/24 ás 15:50 (catro menos dez)

Levade para a viaxe:

- pasaporte (imprescindible)

- algo para cear (sólido, os líquidos non están permitidos no avión) xa que tardaredes moitas horas ata chegar ás casas das familias. Non o metades na maleta que se factura (20kg).

- non é necesario levar copia do permiso da policía xa que as profesoras acompañantes levarán os de todos/as.

Data de actualización: 02/04/24 (17:45)

Xa está a información sobre as familias acolledoras en Inglaterra na Aula Virtual (preme aquí). Lembra que poderían ser modificadas pola organización en caso de necesidade ata o mesmo día da viaxe (serías informado/a e se asignaría outra diferente).

Data de actualización: 01/04/24 (23:55)

Todavía non temos os datos das familias que acollerán ao noso alumnado en Inglaterra, ainda que a previsión era de telos hoxe luns 1 de abril. Esperamos telos mañá día 2 de abril.

Informaremos, disculpade a tardanza.

Data de actualización: 26/03/24 (12:45)

Avisos para a viaxe a Inglaterra: 

1. Os enchufes ingleses son diferentes aos daqui. Tedes que comprar un adaptador de enchufe para poder cargar móviles. Se non encontrades adaptador a tempo, podedes compralo ali.

2. Respecto aos móviles recomendaron levar bateria extra (quen teña) para asegurar que non quedades sen bateria xa que o móvil será necesario para algunhas actividades e para a aplicación do autobús que teredes que utilizar para ir das vosas casas ao centro (xa vos daremos instrucións). En todo caso, se non tendes con tentar telo cargado ou levar cargador será suficiente. 

3. Teredes que descargar a aplicación Morebus e para activala o día de chegada tedes que utilizar o voso mail (non o de pai/nai). Por iso é importante que sexa o voso o que déchedes como contacto. Pero NON se pode activar ata chegar alí porque ten validez dunha semana e se se activa antes non cubriría todos os dias.

4. Levade tarxeta de crédito (ou tarxeta monedero) ou cambiar libras (disto xa se falou na reunión informativa).

Nuns dias daremos mais avisos . Desfrutade esta semana :)

Data de actualización: 21/03/24 (01:15)

Novo espazo na AULA VIRTUAL de recursos para o programa. Para acceder preme aquí e despois introduce o usuario e contrasinal da aula virtual do/a alumno/a.

No espazo de recursos poderás atopar:

• Información da familia de inglaterra na que vas vivir durante o programa. Esta información estará dispoñible o venres 22
• Acceso á proba de nivel** de inglés.

**Proba de nivel de inglés: o alumnado deberá realizala o xoves 21 de marzo. Pode realizala dende o seu teléfono móbil ou dende un ordenador. O acceso á proba será enviado a través do grupo de whatsapp creado para este programa, e tamén estará dispoñible no espazo informativo da aula virtual ao que se fai referencia no punto anterior.

Data de actualización: 13/03/24 (18:15)

(Datos completados! moitas gracias!!): A mensaxe dicía: Necesitamos que o alumnado que vai participar no programa cubra os datos para poder enviarlles un enlace para a proba de nivel de inglés e tamén para a súa localización durante a estancia. Estes datos serán facilitados á empresa encargada das actividades en Inglaterra para uso exclusivo deste programa.

MOI IMPORTANTE: o correo que se pide e o número de teléfono deben ser do/a alumno/a que viaxa porque van ser utilizados durante a estancia.

Data de actualización: 08/03/24 (22:15)

 Billetes de avión mercados!!

Detalles da viaxe:

Saída: 4 de abril ás 18:10 dende o aeroporto de Santiago (vueling)

aterrizando ás 19:15 (hora local) en Londres (GTW)

Regreso: 10 de abril despega dende Londres (GTW) ás 20:25 e aterriza en Santiago ás 23:35

Prezo das dúas viaxes en avión incluindo a maleta de 20kg e seguro de cancelación (por causas contempladas de forza maior, condicións habituais dos seguros de cancelación) total 210€ por alumno/a.

Por outra banda, indicar que a empresa que organiza a estancia en Inglaterra fixo unha rebaixa ao grupo atendendo ao número de asistentes polo que o prezo da estancia (sen vóos) queda en 780 € por alumno. Resultando por tanto un total de 990€

Prazo para o último pago:

                         data límite 22 de marzo ás 14:00

Documentación a entregar co último pago:

• resguardo transferencia do pago (690€) 
• fotocopia do pasaporte no caso de non tela entregado antes.
• documento "parental consent" cuberto e asinado (preme aquí)
• permiso da policía nacional para viaxar ao estranxeiro (para obter os datos que pedirán na tramitación preme aquí). Se xa estivera realizado, debido ao cambio de datas hai que realizalo novamente (lamentamos as molestias)

No día a día, no IES Antonio Fraguas apostamos por unha educación que desbote prexuízos e estereotipos de xénero como a mellor prevención contra a violencia machista. E este 24 de novembro, co gallo do Día Internacional da Eliminación da Violencia contra as Mulleres (25N) quixemos aportar o noso grao de area na concienciación da comunidade educativa sobre esta lacra da nosa sociedade, entre outras accións, visibilizando o traballo realizado nesta liña en diferentes materias e actividades ofertadas polo centro nun acto que se celebrará mañá venres no salón de actos da EGAP. Performance, lectura de manifesto, teatro, música e poesía conformarán os 40 minutos que aproximadamente dura cada pase. O Equipo de Igualdade e Apoio LGTBIQ+, a Aula de Teatro Teatrando no Fraguas, o coro do instituto, alumnado de 4º ESO e 2º BAC D (ó redor de 70 persoas) participan na organización e realización deste acto.

Este curso a viaxe está destinada ao alumnado de 4ºESO. 

Para acceder a toda a información (datas, equipamento necesario, detalles da viaxe, prezo, solicitude, etc...) preme no "Blog de Andorra" na franxa superior desta web: 

Prazo de solicitudes: do 25 ao 31 de outubro. Descarga o modelo de solicitude e consulta toda a información no Blog de Andorra (nos espazos INFO e PAGO, DOCUMENTACIÓN, A MALETA, PROGRAMA da VIAXE )

PROBAS DE CERTIFICACIÓN LINGUAS ESTRANXEIRAS 23-24

A Consellería de Educación subvenciona a proba de nivel lingüístico en linguas estranxeiras para alumnado de 4ºESO e Bacharelato.

Accede á convocatoria: aquí

Prazo de solicitudes: ata o 6 de novembro ás 14:00.

DESCARGA AQUÍ O MODELO DE SOLICITUDE

(entregar na secretaría do centro en horario de 9:00 a 14:00)

As reunións de inicio deste curso 2023-24 entre pais, nais e titores/as, van ser telemáticas (por internet) para todos os cursos e niveis excepto para 1º ESO que serán presenciais.