PROCESO DE BAREMACIÓN
POSTO QUE HAI MÁIS SOLICITUDES QUE PRAZAS OFERTADAS TERÁN QUE PRESENTAR A DOCUMENTACIÓN DOS CRITERIOS DE BAREMACIÓN
DO 23 DE MARZO AO 9 DE ABRIL.
TANTO PARA 6º DE INFANTIL COMO PARA 4º DE INFANTIL
Documentación xustificativa dos criterios para o baremo. ( Prazo do 23 de marzo ao 9 de abril )
Ø Domicilio familiar, mediante volante do Padrón municipal no que figuren todos os membros da unidade familiar que conviven nel. A data de alta no concreto domicilio deberá ter unha antigüidade mínima dun ano respecto ao inicio do procedemento de admisión, agás circunstancias debidamente xustificadas. Así mesmo o certificado deberá estar expedido no ano 2017.
Ø Domicilio laboral, a) no caso de persoas que presten servizos retribuídos por conta allea, mediante a achega de documento expedido para o efecto polo/a empregadora/or xunto cunha copia do contrato de traballo; b) no caso de traballadoras e traballadores por conta propia, mediante a alta censual inicial ante a Axencia Estatal de Administración Tributaria, con todas as posibles modificacións posteriores e alta na Tesourería Xeral da Seguridade Social no réxime correspondente; c) o persoal ao servizo das administracións públicas presentará unha certificación expedida pola xefatura de persoal correspondente.
Ø A condición de familia numerosa, mediante fotocopia compulsada do título oficial en vigor ou do carné familiar galego expedidos pola Consellería de Traballo e Benestar.( Cando denegue a consulta)
Ø A condición de familia monoparental, mediante fotocopia do libro de familia, resolución xudicial de separación, divorcio ou medidas paterno-filiais ou convenio regulador.
Ø Concorrencia de discapacidade no pai, nai, titor legal ou nalgún irmán, mediante a certificación do grao de minusvalía expedida pola Consellería de Traballo e Benestar ou, se é o caso, do órgano competente doutras administración públicas. (Cando denegue a consulta)
Ø Existencia de irmáns no IES Sánchez Cantón, acreditarase mediante copia completa do libro de familia e certificación do centro correspondente de estar matriculado na ESO, 1º de bacharelato ou certificado de reserva en 1º da ESO.
