Skip to Content

os crespicontos dos cativos

Semana chea de aventuras e de grandes historias... e como non... os noso peques aportan toda a súa creatividade contándonos fermosas historias... PASE DE OURO

 

VÍDEOS CIENCIRRETOS

QUEREDES VER A OS NOSOS CIENTÍFICOS EN ACCIÓN? Prendemos motores... ata o infinito e máis aló!!!!!

 

OS CRESPIDETECTIVES

É TEMPO DE INVESTIGAR... SACADE O GORRO, A LUPA E  ACOMPAÑADE AOS CRESPIDETECTIVES MÁIS INTRÉPIDOS DO ORIENTACRESPI!!!

OS PEQUE CIENCIRRETOS

Todos preparados... chegan os vosos CIENCIRRETOS... temos unha gran cantidade de científicos na nosa comunidade educativa. RETO SUPERADO!!!

ARTERRETOS

Bos días. Comeza unha nova semana e como cada Luns as Crespimestras teñen unha sorpresa preparada. Esperemos que disfrutedes moito con estas propostas


 

ANIVERSARIOS DO MES DE MAIO

Hoxe queremos adicarlle un forte aplauso e unha inmensa aperta a todos os nenos e nenas que neste mes de maio estiveron ou estarán de aniversario.

Moitas felicidades!

 

Información de interese

Bo día familias:

Xa estamos a mércores, e como cada mércores temos novas nos diferentes blogues tanto do cole como das mestras.

Xa podedes ver no blogue do voso nivel os vídeos coas fotos do reto de cociña.

E como cada mércores, o noso Equipo de Orientación proponvos un novo xogo lingüístico, atrevédevos a facelo, será moi divertido.

Non esquezades que cada semana haberá dous novos retos para realizar:

1. Os luns do equipo de mestras que aparecerán tanto na páxina principal como na sección "as nosas propostas semanais"

2. Os mércores do equipo de Orientación que aparecerán sempre no blogue de Orientación

 Esperamos as vosas achegas nos correos de cada nivel. O prazo para mandar as vosas achegas para cada proposta específica, será de luns a venres de cada semana

3. No blogue de TICS tamén podedes atopar diferentes actividades para traballar a numeración dun xeito ameno e divertido.

4. Lembrade que todos os retos que vos propoñemos son VOLUNTARIOS. Podedes facelos todos ou só o que máis vos guste. Nós estamos encantados de recibilos nos nosos correos e sempre faremos algunha actividades con todo o que enviades para que nos sigamos vendo e compartindo sorrisos. 

5. Se nalgún momento detectades que falta a vosa tarefa, comprobade que vos contestamos ao correo, é o mellor xeito de saber que o recibimos, e se ainda así falta, poñédevos en contacto con nós no correo do nivel e solucionarémolo.

6. Tratade de enviar imaxes en formatos válidos: JPG, GIF, PNG... e videos MP4, FLV, MOV... deste xeito non teremos dificultades para facer a montaxe cos traballos.

GRAZAS POR ACOMPAÑARNOS NESTA NOVA AVENTURA!

 

AVISO IMPORTANTE

Os nosos correos empezan a encherse de mensaxes!

Grazas polas vosas aportacións. Estannos a chegar manualidades e vídeos das vosas actividades relacionadas coa Primavera e queremos animar  a tódalas familias que así o queiran a enviarnos fotos de manualidades e traballos que xa teñades feitas con relación á Primavera. Lembrade que temos un correo para cada nivel, por eso queremos pedirvos que no ASUNTO do e-mail poñades o nome do neno/a e o nome da profe, dese xeito será máis fácil para as titoras poder recoñecer os vosos traballos.

Agardamos expectantes as vosas contribucións!!!

Un saúdo

 

NOVAS IMPORTANTES

Moi boas familias:

Comezamos un novo trimestre cargado de aventuras e sorpresas. Recomendámosvos que esteades moi atentos e atentas aos blogs do centro e das mestras porque ao longo destas semanas iremos colgando moitas cousiñas neles: materiais, contos, actividades... e sobre todo moitas, moitas sorpresas.

Como sabemos o importante que é o traballo en equipo, dende o noso centro imos poñer á vosa disposición 3 contas de correo electrónico, una para cada un dos niveis educativos, deste xeito, poderedes achegarnos fotos, debuxos, vídeos... xa vos iremos dicindo a medida que avancen as semanas.

Todos os nenos e nenas de 3 anos (4º EI) poderedes remitir os vosos traballos a

 ossuperheroesde3@gmail.com

todos os nenos e nenas de 4 anos (5º EI) poderedes remitir os vosos traballos a

 osobservadoresde4@gmail.com

e todos os de 5 (6º EI) poderedes facelo a

osexploradoresde5@gmail.com

Como sempre contamos coa vosa colaboración. Con tódalas achegas trataremos de crear novos vídeos e compartilos con toda a comunidade educativa... pero agardade, poque moi pronto compartiremos algo moi especial.

 

Un saúdo e unha aperta moi moi forte.

Distribuir contido


by Dr. Radut