Blogues

Clica na imaxe para acceder aos enlaces.

Dende outubro a maio desenvolveranse actividades de animación á lectura na bibioteca da sede, en Vilarromarís.

Pode asistir alumnado de calquera escola.

O horario é de 16:15 a 17:30. 

Pódense seguir as actividades e ver máis información nas nosas RRSS:

https://www.instagram.com/craoroso/

https://es-la.facebook.com/craoroso/

https://www.youtube.com/channel/UCWnsHPC34LndMwb7ZbT_XNw

Dende o CRA de Oroso queremos dar a benvida a todas as familias a este novo curso escolar, agardamos que tiverades unhas boas vacacións!

Como información máis salientable para o inicio do curso, achégase a actualización do Protocolo Covid, publicada esta mesma mañá. Recomendamos a todas as familias que lean o documento adxunto.

Tamén aproveitamos para lembrar que o vindeiro venres 16 de setembro é festivo local (Santa Eufemia) polo que non haberá clase en ningún centro educativo de Oroso. Pódese consultar o calendario escolar para todos os colexios de Galicia no documento adxunto.

 Como datas máis destacadas, inclúense:

- NADAL: dende o día 23 de decembro de 2022 ata o día 6 de xaneiro de 2023, ambos inclusive.

- ENTROIDO: os días 20, 21 e 22 de febreiro de 2023.

- SEMANA SANTA: dende o día 3 ata o día 10 de abril de 2023, ambos inclusive.

 - DÍA DO ENSINO: 31 de outubro de 2022.

Nas vindeiras semanas publicaremos nesta web e nos paneis de cada escola o calendario escolar definitivo, xa que falta por seleccionar un festivo local (ademais do venres 16 de setembro).

Moitas grazas pola vosa colaboración!

Queridas familias:

Publícase como arquivo adxunto a listaxe de libros para o curso 22-23. A comezos de curso, cada titora pedirá diverso material de uso diario: folios, cores, etc...

As clases comezan o día 8 de setembro, no horario normal, de 9:30 a 14:30. Dende o día 1 de setembro xa estaremos traballando nas escolas.

Moitas gracias pola vosa colaboración e axuda ao longo deste curso 21-22.

Boas vacacións!

Nesta semana publicouse a convocatoria para a solicitude de libros e material escolar para o vindeiro curso 22/23.

Nos vindeiros días entregarase en cada unha das escolas os impresos para a solicitude e un resumo da convocatoria para as familias.

Estas axudas son exclusivas para alumnado que curse Educación Primaria no vindeiro curso escolar 22/23.

O prazo para entregar as solicitudes é ata o 22 de xuño. 

Para o alumnado que o vindeiro curso escolar continúa os seus estudos no CEIP Sigüeiro en 3º de Primaria, na reunión do vindeiro mércores 25 de maio entregaráselle a información correspondente (este alumnado non recibe cheque de axuda, se non que participa no Fondo solidario de libros).

Achéganse coma arquivos adxuntos os impresos de solicitude (daranse en papel a vindeira semana nas escolas). Pódense presentar a través da sede electrónica ou en papel en cada unha das escolas.

Ademais destes impresos cubertos e asinados, todas as familias solicitantes deberán de achegar:

• Copia do libro de familia ou documento equivalente, onde figure o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.

E si fose o caso, para acreditar algunha das seguintes circunstancias:

• Certificado de discapacidade do/da alumno/a ou calquera membro da familia non expedido pola Administración autonómica.
• Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.
• Resolución xudicial de incapacitación con patria potestade prorrogada ou rehabilitada.
• Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.
• Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE

Pódes consultar a convocatoria e a información máis detallada na web: https://www.edu.xunta.gal/portal/node/37025