Skip to Content

Marzán

Charla de sensibilización sobre ANEAE - Abril 2017

04/04/2017 16:00
04/04/2017 17:00

"Adentrándonos nos silencios para entender miradas" O alumnado con necesidades educativas especiais é unha realidade que existe dende hai tempo, pero, inda que hai moito investigado sobre isto, segue sendo un tema no que debemos estar sensibiliados e formados especificamente. No CRA participamos deste camiño coma claustro de mestras e mestres asistindo a unha charla sobre esta temática no propio CRA.

Moitas grazas a Silvia Estévez Villar, psicopedagoga con ampla experiencia neste campo, por vir a darnos un pouco de luz e estímulo de xeito desinteresado.

 

Preme aquí para máis información sobre educación inclusiva ou aquí para ver un documento sobre "aulas felices".

 

Contacontos con Paco Nogueiras - Abril 2017

03/04/2017 09:00
03/04/2017 14:00

As nenas e nenos do CRA imos ao Polivalente do Rosal para desfrutar dun contacontos con Paco Nogueiras. Imos escoitar varios contos curtos acompañados de música en directo. O alumnado das escolas de Pías, Fornelos e Marzán van á sesión das 10:00. O alumnado das escolas de Couso, Tabagón e Novás, á das 11:00.

Foi unha actividade xenial. Estivemos con Paco Nogueiras, que nos contou tres contos moi chulos sobre árbores, cantamos e rios con él, que trouxo un ukelele e un acordeón.

 

Visita Apípolis - Marzo 2017

14/03/2017 09:00
14/03/2017 14:00

O alumnado de Ed. Infantil do CRA temos unha visita moi interesante a Apípolis. Nestas instalacións podemos ver, aprender e experimentar con todo o relacionado co mundo das abellas.

Saímos ben cedo en autobús e chegamos ata Apípolis (cerca de Pontevedra) ás 10:30. Nada maís chegar baixamos dos buses e camiñamos ata unha explanada para presentarnos e facer catro grupos. Durante a mañá os catro grupos fomos rotando por catro actividades moi chulas:

- fixemos galletas coas nosas propias mans que levaban, entre outras cousas, mel;

- coa cera das abellas feita unha lámina puidemos facer velas envolvendo un fío coa cera ata conseguir un cilindro;

- contáronnos como eran e como vivían as abellas nunha exposición moi chula que había alí;

- puxéronnos os traxes de apicultores e puidemos entrar á zona onde estaban os panais e as abellas e ver todo diante dos nosos ollos.

Despois de tantas cousas paramos para comer, fixemos algúns xogos e cancións e xa tocou a hora de subir de novo aos buses para marchar de volta.

Foi un día xenial!!!

 

Entroido - Febreiro 2017

23/02/2017 09:00
23/02/2017 14:00

Celebramos o Entroido todas e todos xuntos na escola de Novás. Alí facemos un desfile por colexios onde as familias poden ver os disfraces que traballaron as nenas e nenos para este día. Todo isto acompañado de música e moita diversión. Despois podemos comer moitas cousas ben ricas que traen as familias para a merenda especial deste día. É unha xornada de festa para desfrutar!

Vivimos un entroido moi chulo. Durante toda a semana o "meco" foi mandándonos vir vestidos ao colexio con algo pintado na cara, algún complemento "elegante" e un pixama. O día da festa chegou todo o mundo á escola de Novás (algúns incluso en tractor). Despois de prepararnos e vestirnos comezou o desfile. Cada colexio disfrazado dun país ou universo: a escola de Pías de Brasil, a de Novás e Marzán de Inglaterra, a de Fornelos de planetas e universo, a de Couso de China e a de Tabgón de Italia.

Desfrutamos dun mercadillo impresionante organizado pola ANPA no que as familias donaron previamente produtos naturais e artesanais para poñelos á venda ese día. Os cartos recaudados van destinados a actividades para as nenas e nenos do CRA.

Día da Paz - Xaneiro 2017

27/01/2017 09:00
27/01/2017 14:00

Este ano celebramos o Día da Paz no Auditorio do Rosal. Asistimos a un concerto didáctico da Banda de Música do Rosal xunto a outros centros escolares do Concello. Ademais de desfrutar desta actividade as nenas e nenos do CRA cantan unha canción para celebrar este día e fan un mural sobre a paz con bandeiras e palabras de diferentes países.

Comezamos a mañá chegando ao auditorio para desfrutar do concerto. Presentáronnos os instrumentos, escoitamos varias pezas e ata nos contaron un conto sobre a paz con música en directo!!!

Despois chegou o momento das nosas actuacións... As nenas e nenos do colexio da Mata fixeron un poema e unha canción e os do CRA fixemos a continuación a nosa todas e todos xuntos enriba do escenario. Quedou todo moi chulo.

Foi tempo entón de descansar un pouco e de tomar a merenda. Pero moi pronto voltamos á sala do auditorio para ir montando clase por clase o mural da paz coas bandeiras e a palabra paz nos idiomas de varios países.

Por útlimo puidemos ver un pouquiño da película "Hermano Oso", que nos ensinou o valor da amizade.

Foi un día completo no que o pasamos xenial cun montón de cousas diferentes!!!

Charla sobre transexualidade infantil - Xaneiro 2017

17/01/2017 17:00
17/01/2017 18:30

O fenómeno da transexualidade infantil é unha realidade que existe dende sempre, pero hai ben pouco que se está a visibilizar na nosa sociedade. Inda queda moito camiño por percorrer para aceptar e normalizar esta realidade. No CRA comezamos este camiño coma claustro de mestras e mestres asistindo a unha charla sobre esta temática no propio CRA.

Sara Silva Uris tivo a amabilidade de ofrecerse a achegarnos de xeito desinteresado unha visión xeral e condensada desta realidade tan complexa. O dominio deste tema débese ao estudo académico e de campo realizado por ela para a confeción do seu proxecto de fin de carreira, que tratou este tema, e que nos achegou nesta charla.

 

Preme aquí para consultar a documentación creada pola poñente Sara Silva Uris sobre este tema.

 

Grazas a Sara por dedicarnos este tempo e iluminarnos sobre a realidade das nenas e nenos trans*.

 

Concurso fotográfico "Deporte en familia..." - Xaneiro e Febreiro 2017

09/01/2017 00:00
23/02/2017 13:00

O concurso fotográfico “Deporte en familia…” está aberto á participación das alumnas e alumnos matriculados no CRA María Zambrano de O Rosal, permitíndose a colaboración dalgún familiar ou adulto na realización desta fotografía.
Cada participante pode mandar ata dúas fotografías orixinais e inéditas, realizadas con técnica libre e aparecendo, en calquera caso, na fotografía.

Establécense tres categorías diferentes: á fotografía máis orixinal, á máis artística e á máis divertida.
O tema do concurso é a imaxe dunha alumna ou alumno deste CRA facendo algún tipo de deporte e acompañado por un ou máis familiares (pode ser tanto exterior coma interior).

O prazo de admisión de traballos comeza o 9 de xaneiro de 2017 e remata o 3 de febreiro de 2017. A decisión sobre as fotografías gañadoras ten como prazo máximo o 17 de febreiro de 2017. O anuncio público e entrega de premios é o día 23 de febreiro do 2017, como parte das actividades do día da Festa de Entroido do CRA María Zambrano.

Festa de Nadal - Decembro 2016

20/12/2016 09:00
20/12/2016 14:00

O último día de clase antes das vacacións de nadal facemos un día especial, unha festa!!!

Xogamos, preparamos unha merenda xenial que traen as familias, saímos ao patio... Pero o que máis agardamos é a chegada dos Reis Magos. Van pasando por cada colexio para visitarnos a todas as nenas e nenos do CRA. Alí, na clase, cando chegan saudámolos cunha canción e despois e entregámoslles as nosas cartas co que lles pedimos de agasallos. Como nos portamos moi ben regálannos lambetadas e deixan algúns agasallos en cada clase!!!

 

Carreira solidaria "Save the Children" - Decembro 2016

01/12/2016 09:00
16/12/2016 14:00

No CRA organizouse unha iniciativa solidaria en colaboración coa ONG “Save the Children”. Trátase de varias carreiras solidarias no propio colexio nas que participaron nenas e nenos, familias e mestras e mestres.

A verdade é que a iniciativa tivo unha gran acollida. Fomentouse nas nenas e nenos a realización de actividades físicas divertíndose e, ademais, colaboraron cunha iniciativa solidaria. Cada participante recibiu un dorsal co seu número e, ao rematar, un diploma agradecendo a participación e colaboración.

Gracias á xenerosidade de todas e todos deuse recaudado un total de 660 euros, que irán dirixidos a nenas e nenos que viven en Etiopía e carecen de subministros adecuados de auga, alimentos e materiais escolares.

Estupenda iniciativa e gran resposta. Gracias!!!

 

Obradoiro de percusión africana - Novembro 2016

21/11/2016 09:10
25/11/2016 14:10

Nas distintas escolas do CRA desenvolveuse un obradoiro de percusión de música africana. O obxectivo principal foi achegar a cultura africana ao noso alumnado a través da música e, por suposto, pasar un rato divertido. A actividade foi desprazándose en dúas mañás polas diferentes escolas para poder facerlles o obradoiro a todas as nenas e nenos do CRA.

No obradoiro as nenas e nenos tiveron a oportunidade de escoitar en directo diferentes ritmos africanos tocados con varios instrumentos de percusión. Tamén puideron usar eses instrumentos para practicar da maneira máis sinxela os ritmos que acababan de escoitar. Incluso puideron ver e participar de diferentes pasos de baile asociados á música que estaban escoitando.

En resumo: as nenas e nenos do CRA escoitaron e puideron ver en directo música tradicional africana, coñeceron de primeira man instrumentos doutra cultura, tocaron eses instrumentos, participaron na interpretación dos ritmos, bailaron e coñeceron persoas e parte da cultura de África. Unha actividade ben interesante!!!

 

Distribuir contido


by Dr. Radut