Skip to Content

Marzán

Día "A nena na Ciencia" - Febreiro 2018

16/02/2018 09:00
16/02/2018 14:00

As nenas e nenos do CRA celebraron nas súas aulas o día da nena na ciencia, e para facelo realizaron diferentes experimentos que resumimos en un video.


 

Entroido - Febreiro 2018

09/02/2018 09:00
09/02/2018 14:00

Vivimos un entroido moi chulo. Durante toda a semana o "meco" foi mandándonos vir vestidos ao colexio cunha bata, cos calcetíns por enriba dos pantalóns, coa roupa do revés... O día da festa chegou todo o mundo á escola de Novás (algúns incluso en tractor). Despois de prepararnos e vestirnos comezou o desfile. Cada colexio fíxolle unha homenaxe a unha muller: a escola de Pías vestíuse de Pippi Langstrump, a de Novás de piratas  en honra a Mary Read, a de Fornelos de Hipatía de Alexandría, a de Couso de Monstruo de Cores en honra a Ana LLlenas e as de Tabgón e Marzán de Cleopatras.

Desfrutamos dun mercadillo impresionante organizado pola ANPA no que as familias donaron previamente produtos naturais e artesanais para poñelos á venda ese día. Os cartos recaudados van destinados a actividades para as nenas e nenos do CRA.

Tamén houbo unha rifa solidaria de dúas cestas con produtos de alimentación para recaudar fondos para as actividades destinadas ás nenas e nenos do CRA.

Ademais entregáronse os premios do concurso de fotografía de cociña en familia do CRA.

E todo isto culminado cun rato de baile e merenda. Foi un gran día.

III CONCURSO FOTOGRÁFICO "COCIÑANDO EN FAMILIA" - Xaneiro 2018

08/01/2018 09:00
19/01/2018 14:00

 Por tercer ano o noso colexio volve a levar a cabo o concurso fotográfico para os nenos e familias. Este ano a temática irá enfocada á cociña en familia, polo que dende o 8 de Xaneiro ata o 19 dese mesmo mes os alumnos poderán entregar os seus traballos.

ANIMAMOS A TODAS AS FAMILIAS A PARTICIPAR!!! MANS Á OBRA!!!!

                                    

 

Visita dos Reis Magos - Decembro 2018

20/12/2017 09:00
20/12/2017 14:00

O pasado Mércores 20 de Decembro os alumnos do CRA recibiron a visita das súas maxestades nas escolas. Como foron moi bos durante todo o ano trouxéronlles moitos regalos e os nosos nenos agradecéronllo adicandolle un baile.

                                    

 

Revista "O Bufo Fich nº8" - Xuño 2017

30/06/2017 09:00
30/06/2017 14:00

Agora que xa rematamos este curso un ano máis aquí temos a nosa revista do Bufo Fich, a oitava edición xa. Nela amosamos todo o que fixemos ao longo destes meses de curso. Participamos en moitas actividades e traballamos un montón! Velaquí poderedes ver algúns deses momentos!

Preme aquí para descargala en formato "pdf".

Moi bo verán a todas e todos!!!

 

Festa de fin de curso - Xuño 2017

22/06/2017 09:00
22/06/2017 14:00

Xa está... O curso 2016-17 toca ao seu fin!

E para despedirnos quedamos pola mañá todo o CRA na escola de Marzán para desfrutar dunha festa con xogos, música, merenda aportada polas familias e moitas cousas máis.

 

Contos de Carlos Casares - Maio 2017

31/05/2017 09:00
31/05/2017 14:00

Con motivo da celebración das Letras Galegas este ano facemos unha adaptación plástica e audiovisual de varios traballos e datos da vida do escritor homenaxeado este ano: Carlos Casares.

 

Cada aula decide o xeito de plasmar o conto ou contido que lle corresponde:

- Aula de Novás Ed. Infantil: A formiga esquiadora, do libro A galiña azul.

- Aulas de Couso Ed. Infantil: A galiña azul, do libro A galiña azul.

- Aula de Marzán Ed. Infantil: O peixe da fonte do xardín, do libro A galiña azul.

- Aula de Tabagón Ed. Infantil: Querida Ana, do libro A galiña azul.

- Aula de Fornelos Ed. Infantil: A bomba da felicidade, do libro A galiña azul.

- Aulas de Pías Ed. Infantil e Primaria: libro As laranxas máis laranxas de tódalas laranxas.

- Aula de Fornelos Ed. Primaria: biografía de Carlos Casares.

- Aula de Novás Ed. Primaria: bibliografía de Carlos Casares.

 

Moito ensaio, moito traballo e moita creatividade para decidir que facer en cada escola... Moitas grazas pola enerxía e gañas postas para facelo. O resultado paga ben a pena!!!

 

A Voz de Zambrano - Marzo 2017

24/05/2017 09:00
24/05/2017 14:00

Aquí temos unha publicación do noso propio xornal "A voz de Zambrano". A actividade consistiu en recoller as cousas máis salientables deste mes de marzo e xuntalas para poder facer o noso propio xornal.

Quedou moi chulo.

 

Día do Libro - Abril 2017

21/04/2017 09:00
21/04/2017 14:00

As nenas e nenos do CRA imos á escola de Tabagón toda a mañá para celebrar o Día do Libro cun montón de obradoiros e actividades moi chulas: rincóns con actividades, flores de papel, postais, marcapáxinas...

Menudo éxito de día!!! Ao chegar fixemos os seis grupos mesturadndo idades e aulas de todo o CRA. Cada grupo foi cun mestre ou mestra a unha das seis actividades, onde agardaban outras mestras e mestres para facernos o obradoiro. Había poesía musical, parellas, minilibros, curtametraxe, quen é quen, xogos literarios, contacontos... Fomos rotando cada media hora polos obradoiros ata completalos todos. Estiveron xenial!!!

Despois descansamos un pouco mentres tomamos a merenda. E a contuación xogo libre mentres, por grupos, pasabamos polo mercadillo de libros onde puidemos escoller un para levar para casa.

Un día espectacular. Bravo!!!!

 

Contacontos Día dos Avós - Abril 2017

17/04/2017 09:00
21/04/2017 14:00

As nenas e nos do CRA recibimos a visita de dúas persoas moi especiais que viñeron a cada clase para falar con nós sobre as nosas avoas e avós, o que nos gusta facer con eles, como nos coidan e nos fan rir, que historias nos contan...

Despois de falar un pouco cada un contáronnos un conto moi chulo cun teatro de sombras!!! Que bonito e emocionante...

E para rematar fixéronnos un agasallo: unha bonita flor de tea impregnada un arrecendo moi agradable.

 

Moitas gracias ás nais voluntarias que se ofreceron e levaron a cabo esta preciosa actividade para poñer en valor ás nosas avoas e avós. Foi un éxito!!!

 

Distribuir contido


by Dr. Radut