POSTOS ESCOLARES VACANTES
ADMISIÓN ALUMNADO CURSO 2018-2019
POSTOS ESCOLARES VACANTES
-
EDUCACIÓN INFANTIL
4º E. INFANTIL (3 ANOS)
22 + 3 acneae
5º E. INFANTIL (4 ANOS)
11
6º E. INFANTIL (5 ANOS)
7
-
EDUCACIÓN PRIMARIA
1º PRIMARIA
6 + 3 acneae
2º PRIMARIA
2
3º PRIMARIA
6
4º PRIMARIA
7
5º PRIMARIA
5
6º PRIMARIA
23
-
EDUCACIÓN SECUNDARIA
1º ESO
5 + 3 acneae
2º ESO
7
3º ESO
16
4º ESO
15
PROCESO ADMISIÓN CURSO 2018 - 2019
ADMISIÓN ALUMNADO CURSO 2018-2019
IMPRESO DE ADMISION. MODELO ED 550B
NOTA INFORMATIVA
Normativa reguladora:
-DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos (DOG 245 - 26/12/2012)
-ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos (DOG 53 - 15/03/2013)
-ORDE do 25 de xaneiro de 2017 pola que se modifica a Orde do 12 de marzo de 2013 (DOG 22 – 1/02/2017)
Reserva de praza
Aos alumnos/as actuais do centro realízaselle a reserva automática, agás que os seus pais/nais ou titores legais manifesten o contrario.
Solicitude de admisión:
Presentará a solicitude de admisión o alumnado de novo ingreso que queira solicitar praza neste centro. A solicitude será única e o prazo de presentación será do 1 ao 20 de marzo.
Presentación de solicitudes:
1.- De forma electrónica:
- As solicitudes de admisión cúbrense mediante o formulario normalizado a través da aplicación de xestión do proceso “admisionalumnado” (https://www.edu.xunta.es/admisionalumnado) e entrégase no centro.
- Pódese cubrir na aplicación anterior e presentala en SEDE ELECTRÓNICA.
2.- De forma presencial: na secretaría do centro indicado como primeira opción.
Documentación a entregar:
- Solicitude de admisión: formulario normalizado (ED550B) dispoñible na secretaría do centro, na aplicación admisionalumnado (https://www.edu.xunta.es/admisionalumnado) e na páxina web do centro.
- Fotocopia do libro de familia onde figure o alumno/a.
- D.N.I da persoa solicitante e dos membros computables da unidade familiar, cando deneguen a consulta telemática de datos.
- Certificado de empadroamento no caso de solicitar servizos complementarios.
- Convenio regulador ou resolución xudicial de separación ou divorcio, de darse o caso.
- No caso de alumnado con necesidades específicas de apoio, documentación que acredite as circunstancias alegadas.
A solicitude terá que estar asinada por calquera das/os titulares da patria potestade ou representantes legais. No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída a un deles. En ambos casos, será necesario presentar xunto coa solicitude de admisión a resolución xudicial correspondente para o seu cotexo polo centro educativo.
No suposto de alumnado afectado por violencia de xénero non será esixible o previsto no parágrafo anterior.
Publicación de admitidos/as:
- Listaxe provisional de admitidos e non admitidos: publicarase antes do 25 de abril. Poderase formular reclamación no prazo de 5 días hábiles contados a partir do seguinte ao da súa publicación.
- Listaxe definitiva: Antes do 15 de maio.
Formalización de matrícula:
A formalización de matrícula deberá axustarse ao modelo normalizado Anexo III (dispoñible tamén na secretaría ou na páxina web do centro) e terá lugar nos seguintes prazos:
Infantil e primaria: do 20 ao 30 de xuño
Secundaria:
Prazo ordinario: do 25 de xuño ao 10 de xullo
Prazo extraordinario (alumnado con materias pendentes en xuño): do 1 ao 10 de setembro
Nota informativa
· Cada alumna e alumno só pode presentar unha única solicitude no centro que solicite praza en primeiro lugar. A infracción neste punto determinará a perda dos dereitos de prioridade que poidan corresponderlle.
· O alumnado actual ten garantía de permanencia no centro. Se presenta solicitude de admisión noutro centro distinto deberá comunicalo, ao mesmo tempo, ao centro de orixe.
· O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión
· O CPI “Fonte Díaz” está adscrito ao IES Fontiñas e ao IES Pontepedriña.
· Os servizos complementarios que ofrece o centro son o de comedor (O. 21 de Febreiro de 2007 e D. 132/2013) e transporte escolar (Instrucción 3/2017 da Secretaría Xeral Técnica).
Dona Meca ordena (entroido)
A semanado 5 ao 9 de febreiro empezaremos coa celebración do Entroido. Temos na entrada do colexio a figura do Meco, que nós imos chamar Dona Meca, e que nos dará indicacións que como vir vestidos cada día da semana.Pedimos que na medida do posible as rapazas e rapaces veñan ao centro vestidos segundo ordene Dona Meca.
DONA MECA ORDENA. O LUNS: “A SEMANA EMPEZA... CON ALGO NA CABEZA ( pucho, gorro, sombreiro, lazos, perruca, pano...)
O MARTES: “XA QUE ESTAMOS A XOGAR... ALGO NA CARA IMOS LEVAR. (anteollos, bigote, barba, algo pintado, ...)
O MÉRCORES: “ESTE DÍA Á ESCOLA VÉS... CUNHA PRENDA DO REVÉS”
O XOVES: “E... PARA REMATAR A SEMANA... IMOS Á ESCOLA EN PIXAMA”.
Iremos engadindo á vestimenta do día o mandato para o día seguinte de tal xeito que o xoves traeremos: algo na cabeza, algo na cara, unha prenda do revés e o pixama. Finalmente o venres celebraremos o Entroido no noso Colexio coa temática: “Os sentidos”.
|
RECOLLIDA DE ALIMENTOS PARA A OPERACIÓN QUILO
A campaña de recollida de alimentos da Operación Quilo foi todo un éxito, tal e como se recolle na nova publicada no xornal que podedes ler no seguinte enlace:
No colexio de Touro aportamos tamén o noso gran de area. Moitas grazas a todos/as pola vosa colaboración
OPERACIÓN QUILO
Como en anos anteriores, o noso centro participa en actividades de sensibilización e solidariedade coas familias máis desfavorecidas. Ata o día 21 de decembro recollemos todo tipo de alimentos non perecedoiros en colaboración co Centro Xuvenil Don Bosco, que despois son distribuídos a institucións como Cáritas, Asociación de Mulleres Vagalume, Asociación Arela e Cottolengo.
Moitas grazas pola colaboración.
Froita fresca no recreo
O Fondo Galego de Garantía Agraria da Consellería de medio rural distribuirá froita no noso Centro, a través do noso provedor.
Servirase froita fresca no recreo a todo o alumnado do Centro, en periodos de dez días lectivos consecutivos:
- Do 22 de xaneiro ao 2 de febreiro
- Do 21 de maio oa 1 de xuño.
OPERACIÓN QUILO
Como en anos anteriores, o noso centro participa en actividades de sensibilización e solidariedade coas familias máis desfavorecidas. Ata o día 21 de decembro recollemos todo tipo de alimentos non perecedoiros en colaboración co Centro Xuvenil Don Bosco, que despois son distribuídos a institucións como Cáritas, Asociación de Mulleres Vagalume, Asociación Arela e Cottolengo.
Moitas grazas pola colaboración.
Calendario de exames de setembro
As datas e horas nas que terán lugar os exames de setembro recóllense no seguinte enlace:
ADXUDICACIÓN DE LIBROS DE TEXTO E VALES DE MATERIAL DE EDUCACIÓN SECUNDARIA
VALES DE MATERIAL
Xa se poden recoller na secretaría do centro
ADXUDICACIÓN DE LIBROS
A listaxe cos libros adxudicados a cada alumno/a pódese consultar no arquivo adxunto. O reparto dos libros farase a partir do día 15, data de inicio do curso, ao propio alumnado.
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- seguinte ›
- última »