CPI Plurilingüe Cernadas de Castro

Durante o segundo trimestre deste curso e durante tres sesións do terceiro, @s alumn@s de 1º ESO estiveron traballando a poesía, actividade escollida para o Contrato Programa deste curso.

  Unha das ferramentas que utilizamos foi o poemario de Berta Davila A pel do mundo, da editorial Galaxia.

 Na aula fomos lendo e comentando o vocabulario, o contido e a forma na que estaban elaborados os textos deste poemario, ata que @s alumn@s se foron convertendo en auténticos creadores.

Amosamos máis imaxes do proceso:

 Tivemos que buscar unha temática común para crear versos. Estabamos en marzo, queriamos celebrar o Día Mundial da Poesía e mais o Día dos Bosques, polo que o alumnado decidiu escribir textos líricos co bosque e os seus habitantes como protagonistas, e acompañar os textos con ilustracións:

   Logo, propuxeron expoñer os seus traballos. Velaquí unhas imaxes:

 Ademais da competencia en comunicación lingüística (CCL), desenvolvemos todas as outras, incluída a CMCT: gravamos un vídeo cos poemas elaborados polo alumnado.

A nai dunha alumna visitounos para facerlle unha entrevista sobre o seu traballo. Aproveitando que estabamos traballando o tema das enerxías renovables, puidemos facerlle un gran número de preguntas sobre a enerxía eólica, da que é gran coñecedora.

En 3ºB traballamos sobre a nosa historia persoal facendo unha liña do tempo.

Para elo fomos sinalando as datas importantes dende que nacemos e representámolas con debuxos, fotografías...

Finalmente expuxémolas diante dos nosos compañeiros. 

Durante este curso o alumnado de infantil está involucrado nun proxecto de horto escolar. No caso do alumnado de 3 anos, fomos os encargados de sementar e coidar os tomates cherries. Primeiro plantámolos, logo coidámolos e recentemente transplantámolos, levando cada neno e nena o seu tomate para a casa.