CIFP Porta da Auga

O alumnado de 1º curso do ciclo formativo de grao superior en Educación Infantil visitou, na mañá do día 23 de abril, o Museo Pedagóxico de Galicia (MUPEGA), en Santiago de Compostela. Nel fixeron un percorrido polas diferentes seccións, deténdose naqueles aspectos máis relacionados coa primeira infancia, en particular co relacionado co xogo e xoguete e outros da didáctica da educación infantil. Na xornada da tarde o alumnado tamén visitou o proxecto educativo de iniativa privada Semente, tamén situado na cidade de Santiago de Compostela e que está artellado arredor do traballo na natureza, por proxectos e da lingua.

O Departamento de Electricidade e Electrónica ven de organizar unha actividade consistente nunha charla sobre a situación do sector relacionado coa Electricidade, máis concretamente sobre a situación actual das Empresas Instaladoras de Electricidade e Telecomunicacións,  da comarca de influencia do Centro Integrado de Ribadeo. Esta reunión celebrouse o pasado venres 17 de abril nun establecemento de hostalería de Ribadeo as 8:30 da tarde.

A reunión foron invitados antigos alumnos que remataron os seus estudios no ciclo de Electricidade no noso Centro Integrado nos últimos 8 anos así como tamén se invitaron a Empresas cuxos Instaladores autorizados fixeron estudios no noso Centro.

Na charla participaron a Asociación de Instaladores Electricistas da Provincia de Lugo (APIEL) , así como a Asociación Empresarial de Instalacións Eléctricas y Telecomunicacións de Asturias (INELTAS). Por parte de APIEL participou D. Eduardo Fernández Vila que é o presidente da citada Asociación. Por parte de INELTAS participou D. Guzmán Fernández López. A charla estivo presentada e presidida pola directora do CIFP Dª Beatriz Dobaño.

 Aparte da charla pasouse un pequeno cuestionario os antigos alumnos asistentes co gallo de coñecer a situación laboral actual así como opinións entorno a formación recibida no Centro. Tamén se lles preguntou por necesidades de formación continua.

O 14 de abril o alumnado de 1º e 2º curso do Ciclo Superior de Educación Infantil viaxou á localidade coruñesa de Culleredo para coñecer dúas escolas infantís pertencentes á Rede de Escolas A Galiña Azul (Fonte da Balsa e O Burgo). Entre outras cuestións, o alumando observou os espazos e a metodoloxía que desenvolven. Pola tarde, coñeceu o Centro Sociocultural Ágora, na cidade da Coruña e que pertence á Rede municipal. En concreto, realizou unha visita guiada á biblioteca que alberga, deténdose na sección infantil, na que realizan actividades de achegamento das crianzas e familias ao proceso lector.

O pasado 26 de marzo o alumnado do Ciclo Superior de Educación Infantil recibiu a visita de Xosé Cobas, recoñecido ilustrador, deseñador e pintor galego de literatura infantil e xuvenil, e con grandes premios ás súas costas.

O autor impartiu un obradoiro de ilustración dirixido ao alumnado de primeiro e segundo curso do ciclo, onde explicou a importancia de ter en conta o imaxinario infantil á hora de ilustrar un álbum ou conto, e mostrou ao alumnado de forma práctica os símbolos e referencias visuais dos que el se nutre para realizar as súas ilustracións e deseños.

A actividade foi moi enriquecedora xa que os participantes achegáronse ao mundo da pintura, o deseño e a ilustración e recoñeceron a importancia da educación artística e estética no ámbito da Educación Infantil.

Publicación das listaxes definitivas admitidas e excluídas e das listaxes definitivas de persoas excluídas por non ter presentado a documentación de emenda no prazo establecido para participar no procedemento de acreditación de competencias profesionais da convocatoria 2015.

Contra as listaxes definitivas publicadas pode presentar recurso de alzada perante o Conselleiro de Cultura, Educación e Ordenación Universitaria segundo o establecido nos Artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Ver ligazón:

https://www.edu.xunta.es/fp/definitivas-admitidos-acreditacion-2015

Excluídos por non achegar documentación válida suficiente para
participar no procedemento https://www.edu.xunta.es/fp/webfm_send/5810

Listaxe definitiva de admitidos e excluídos  https://www.edu.xunta.es/fp/webfm_send/5809 

O pasado dia 27 de Marzo realizouse a charla sobre legislación no

 sector da construcción con ua afluencia de uas 40 personas, todas ellas

profesionales do sector.

A charla impartida por Ignacio Oliveira, delegado da  Fundacion Laboral da

Construcción tuvo gran acollida por parte da xente asistente.

O pasado mércores, 25 de Marzo, os alumnos e alumnas  que cursan o  CM Atención a Persoas en Situación de Dependencia, realizaron unha viaxe á Coruña enmarcada no  programa de actividades complementarias á propia formación no Centro. Así, visitaron a Cruz Vermella, onde tiveron a oportunidade de ver a central de teleasistencia, o Centro de día e o funcionamento da ambulancia asistencial. Xa pola tarde, achegáronse á residencia de maiores Sanitas, co fin de coñecer as últimas innovacións no desenvolvemento de programas destinados a mellorar a calidade de vida das persoas con algún tipo de demencia.  Os alumnos do ciclo Atención a persoas en situación de dependencia teñen un módulo directamente relacionado coa teleasistencia, de aí que resultara particularmente útil coñecer o servizo dende a propia realidade do traballo día a día.

            O pasado martes 24 de marzo o alumnado do 2º curso do Ciclo Superior de Técnico en Educación Infantil, do CIFP Porta da Auga,  realizaron unha actividade co galo da celebración do Día Internacional da Muller Traballadora,  para os centros educativos do Concello de Ribadeo, mediante a coordinación do CIM do concello de Ribadeo.

             A actividade consistiu na realización dun contacontos e diversas actividades relacionadas coa coeducación e a educación a nenos e nenas en igualdade dende as diferencias individuais de cada persoa.

Dentro deste ciclo son moitas as referencias nos obxectivos, criterios de avaliación e contidos a este tema pois entendemos que un xeito de participar nun cambio cara unha sociedade non sexista, comeza por formar aos futuros profesionais do ámbito socioeducativo para que tenten  rachar con esa suposta igualdade, que hoxe en día non resulta ser tal e que, por exemplo, na escola fai que ainda perduren elementos que reproducen e perpetúan o sexismo e as diferencias entre os futuros homes e mulleres que formarán a nosa sociedade.

A actividade foi todo un éxito para alumnado e profesorado dos tres centros: CEIP Gregorio Sanz, Colexio Sagrado Corazón e CIFP Porta da Auga, o que seguro que conleva novas colaboracións.

Visita Ao Centro de Día de AFALU e ao CIFP Politécnico de Lugo

 O xoves, 19 de marzo, o alumnado de 2º do CM Atención a Persoas en Situación de Dependencia achegouse ata Lugo para coñecer de primeira man o Centro de Día da Asociación de familiares de Enfermos de Alzheimer ( AFALU) e a aula de Teleasistencia do CIFP Politécnico. No Centro de Día, alumn@s e profesores tiveron a oportunidade de coñecer un recurso directamente asociado aos contidos do Ciclo dende unha perspectiva global e nun  contexto eminentemente práctico, onde se valorou, particularmente, a implicación dos traballadores na atención aos usuari@s. Por outra banda, a visita ao CIFP Politécnico, onde se imparte o mesmo ciclo que aquí, no Porta, resultou especialmente interesante ao ofertar unha sesión práctica relacionada co módulo de Teleasistencia. Neste caso, o alumnado puido contextualizar os coñecementos adquiridos a través dunha aplicación que permite atender e xestionar chamadas telefónicas de persoas en situación de dependencia, co fin de achegarse o máximo posible a  realidade no seu ámbito laboral.

O pasado 23 de febreiro o centro acolleu unha actividade na que participou a totalidade do alumnado da familia profesional de Servizos Socioculturais e á Comunidade.

Tratouse dunha “Charla-obradoiro de iniciación á Lingua de Signos e achegamento á Comunidade Xorda”; contamos con dous relatores, Ana Senra (especialista en lingua de signos) e David Fernández (intérprete de lingua de signos e educador social), ambos pertencentes á iniciativa galensigna,  e durante a actividade os dous achegaron ao alumnado coñecementos básicos sobre as características das persoas xordas e a importancia da lingua de signos e a eliminación das barreiras de comunicación para a integración real na sociedade deste colectivo.

Desenvolveuse en primeiro lugar unha charla dirixida a todo o alumnado e posteriormente realizáronse obradoiros prácticos de lingua de signos en pequeno grupo.

A experiencia foi moi enriquecedora para o alumnado en moitos aspectos, posto que tiveron a oportunidade de achegarse a un colectivo e unha lingua moitas veces invisibles e en moi grande parte descoñecidos, chegando a comprender a importancia da accesibilidade en todos os ámbitos da vida.