Coordinación de emprendemento

Viveiro de empresas

 

       

O noso centro, Centro Integrado de Formación Profesional Porta da Auga ofrece un viveiro de empresas, un recurso que facilita aos estudantes con calidades emprendedoras a oportunidade de deseñar o seu proxecto de empresa e levar adiante a creación do seu propio negocio. 

Este viveiro é un local dividido en 2 despachos equipados con moblaxe básica propia dunha oficina, equipamento informático e os servizos precisos para levar as xestións necesarias para a posta en marcha de iniciativas emprendedoras.

Dende o centro, ademais das instalacións ofrecese formación e titorización por parte da coordinadora de emprendemento. Esta ofrecerá tamén un asesoramento inicial, xunto con calquera profesor do centro con coñecemento no ámbito, así como a posibilidade de ter asesoramento especializado poñéndoo en contacto con  axentes de emprego e desenvolvemento local do concello,  orientadores/as laborais das oficinas públicas de emprego. …

 Na seguinte táboa recóllese información sobre os criterios para o acceso ao viveiro ( no caso de listaxe de espera), o perfil e funcións do titor e o asesoramento que se lles ofrece.

 O VIVEIRO DE EMPRESA

REQUISITOS:

 A) Alumnado matriculado nalgunha ensinanza sostida con fondos públicos de Galicia de Formación profesional:

  • Ensinanzas superiores de deseño
  • Ensinanzas artísticas superiores de grao en conservación e restauración de bens culturais
  • Ensinanzas artísticas superiores de grao en arte dramático
  • Ensinanzas artísticas superiores de grao en música
  • Ensinanzas artísticas superiores de grao en danza
  • Ensinanzas deportivas
  • Bacharelato
  • Educación secundaria para persoas adultas (ESA)

 B) Persoas que finalizaran nos últimos catro anos os estudos mencionados no apartado a)

 Poden ser un ou varios emprendedores nun mesmo proxecto, segundo a forma xurídica  elixida.

SERVIZOS:

 

1.       Asesoramento 

  • Por parte do profesorado que imparte formación relacionada co sector onde se desenvolverá o teu proxecto
  • Do persoal técnico especialista para avaliar a viabilidade técnica e económica do teu proxecto
  • Titoría polo coordinador ou coordinadora de emprendemento, responsable do seguimento e orientación no teu proxecto 

 2.       Instalacións propias do viveiro 

Locais axeitados para o desenvolvemento das actividades das persoas emprendedoras no centro educativo onde se atopa o viveiro, a súa disposición no horario concordado co centro:

  • Moblaxe básica propia dunha oficina
  • Equipos informáticos
  • Acceso a internet
  • Teléfono, fax, fotocopiadoras
  • Gastos xerados no mantemento xeral 

    Si precisas máis información, podes contactar con nós na seguinte dirección: orientacion.cifp.portadaauga@edu.xunta.es  ou no teléfono 982128894, preguntando por Marta Fojo Peña Orientadora do CIFP Porta da Auga e/ou por Mª Sol Folgueira Chao, coordinadora de emprendemento e titora do viveiro.

 

( categories: )

Taller de Lecer

 

Ao amparo do Programa Lanzadeira o alumnado de 2º de Dependencia crea unha mini empresa chamada Ribadeo lecer, que implementa un proxecto chamado Experimenta co lecer que vai destinado a usurios/as de máis de 60 anos. Desenvolverase mediante talleres de lecer e comunicación (obradoiros de lecer) os mércores de 10:30 a 12:30 no CIFP Porta da Auga desde o día 8 de febreiro  (son 4 mércores), o número de prazas ofertado é de 14, deixando 10 prazas de reserva.
O prezo total é de 5 euros.

 

( categories: )

Aprehender a comunicar

Ontes 25 de xaneiro o noso alumnado que participa no Proxecto Lugo Emprende II participou na charla Aprehender a comunicar impartida por Alejandra Sánchez , consultora  e coach especializada en recursos humanos e dedicada dende o 2002 o entrenamento de habilidades de comunicación e oratoria.

Foi unha actividade dinámica e moi proveitosa na que se traballou a importancia da comunicación verbal, non verbal, vocal e a necesidade da coherencia entre elas; os distintos estilos relacionais, e a importancia de ter claro que quero dicir e como o vou  facer.

Alejandra Sánchez deulle ao alumnado recursos e estratexias que seguramente lles axuden a mellorar o seu día a día na aula e por suposto no mundo laboral o que nun futuro  próximo accederán.

 

( categories: )

Motivación

Un ano máis no CIFP Porta da Auga contamos con Felipe García Rey, “coach”

profesional que impartiu a charla Motivaciónenmarcada no Proxecto Lugo Emprende II.

Nela pretendeuse motivar ao alumnado, traballar o autocoñecemento coa idea de aprender, descubrir o potencial que cada un ten, as súas capacidades e enfocalas correctamente para a consecución dos obxectivos propios, tanto persoais como profesionais.

Con estas actuacións preténdese dar algunhas claves necesarias para enfrontarse con éxito a busca de emprego, coñecendo as esixencias do mundo empresarial e facéndoo con seguridade nun mesmo.

 

( categories: )

Emprendemento e emprendedores(as)

Dentro das nosas actividades de cara ao Emprendemento e afondando nos recursos persoais e motivación tivemos na mañá do 11 de Febreiro a Juan Diego Areán Pereira formador e  fundandor  de Wekco un ecosistema que inspira, conecta e impulsa. Un espacio que fomenta a confianza, a colaboración o sentido de comunidade entre emprendedores, autónomos, teletraballadores e  microempresas

Na segunda parte da sesión Simón Cabarcos CEO de Blindaxe Sport. Con 28 años, este Pontés (As Pontes de Garcia Rodriguez) funda con tres amigos a empresa Puzzlecarbono en 2007. Hai tres anos e tras ela venta da súa participación no anterior proxecto funda Blindaxe Sport. 

Hai apenas 4 anos que Simón Cabarcos fabricou a súas primeiras espinilleras en fibra de carbono. Primeiro para el e logo para os seus compañeiros de equipo e levar a cabo o seu sono convertiulle en referencia mundial.

 

Mais fotos

( categories: )

Actividade charla EDUEMPRENDE

O pasado día 10 de Febreiro, de 12 a 13 horas, Enrique José Gómez Fernández Técnico de Servizos Xerais do (IGAPE) foi o encargado de impartir a actividade titulada: «A actividade emprendedora como chave para o teu futuro», dentro do programa EDUEMPRENDE ACTÚA.

A ela asistiron os/as alumnos dos segundos cursos dos diferentes Ciclos medios e Superiores que se están formando no CIFP.

( categories: )
Distribuir contido