Formación e Orientación Laboral

FOL

O departamento de Formación e Orientación Laboral, (FOL) imparte nos ciclos de grao medio e superior os seguintes módulos:

FORMACIÓN E ORIENTACIÓN LABORAL: módulo que consta de 107 horas (tres horas e media á semana durante o primeiro ano do ciclo formativo). Os contidos deste módulo, están divididos en dúas unidades formativas:

Prevención de riscos laborais: Cun total de 45 horas lectivas e mediante a cal tódolos/as alumnos/as acadarán o título básico de prevención de riscos laborais.
Equipo de traballo, dereito do traballo e da seguridade social e procura de emprego: Cun total 62 horas lectivas no cal se abordarán os aspectos fundamentais para que os/as alumnos/as leven a cabo a súa integración no traballo por conta allea cunhas habilidades e coñecementos que faciliten a súa adaptación.

A finalidade do mesmo é que os alumnos/as acaden as seguintes competencias profesionais, persoais, e sociais:

Cumprir os obxectivos da empresa colaborando co equipo de traballo e actuando baixo os principios de responsabilidade e tolerancia.
Exercer os seus dereitos e cumprir as obrigas derivadas das relacións de traballo, conforme o previsto na lexislación.
Xestionar a súa carreira profesional, analizando as oportunidades de emprego, de autoemprego e de aprendizaxe.

EMPRESA E INICIATIVA EMPRENDEDORA: Módulo que consta de 53 horas (dúas horas e media á semana, durante o segundo ano do ciclo formativo) no cal o/a alumno/a desenvolverá e analizará a súa capacidade emprendedora elaborando un proxecto empresarial real e factible dentro da súa rama profesional no cal aplicará os coñecementos básicos de xestión e administración que aprenderá ó longo do curso académico.

A finalidade do mesmo é que os alumnos/as acaden as seguintes competencias profesionais, persoais, e sociais:

Adaptarse a diferentes postos de traballo e a novas situación laborais orixinadas por cambios tecnolóxicos e organizativos nos procesos produtivos
Crear e xestionar una pequena empresa, realizando un estudo de viabilidade de produtos, de planificación de produción e de comercialización.

Algunhas das competencias deste departamento son as seguintes:

Colaborar co departamento de Información e orientación profesional nas funcións de información, asesoramento e orientación, responsabilizándose do desenvolvemento das actividades e dos programas de emprendemento e de inserción laboral.
Promover a investigación educativa.

PARA MÁIS INFORMACIÓN PÓDESE CONSULTAR OS SEGUINTES ENLACES:

FORMACIÓN E ORIENTACIÓN LABORAL

Normativa: http://www.empleo.gob.es/itss/web/Atencion_al_Ciudadano/Normativa/NORMATIVA/index.html.

http://www.empleo.gob.es/es/Guia/index.htm

Buscador convenios colectivos:

http://cgrl.xunta.es/g_necol.asp

Servizo público de Emprego Estatal (SEPE):

http://www.sepe.es/

Tesourería Xeral da Seguridade Social:

http://www.seg-social.es/Internet_1/index.htm?C1=1

Axencia Tributaria:

http://www.agenciatributaria.es/AEAT.internet/Inicio_es_ES/_Configuracion_/_Acceda_directamente/_A_un_clic_/Descarga_de_programas_de_ayuda/Retenciones/Ejercicio_2015/Ejercicio_2015.shtml