Co gallo da celebración do Día do medio ambiente (05/xuño) aproveitamos para traballar coa prensa sobre a importancia de coidar o noso planteta.
Este día lévase celebrando desde o ano 1973 co fin de fomentar a sensibilización mundial sobre o Medio ambiente e motivar ás persoas para que formen parte activa do desenvolvemento sustentable. Por iso, é a ocasión para lembrar e concienciar sobre a necesidade de coidar a nosa natureza.
Dende a biblio AnisiaMiranda, outro ano máis, puxemos á disposción do alumnado libros do homenaxeado, este ano foi Antón Fraguas.
Ao longo da semana realizáronse diferentes actividades para homenaxear a Antonio Fraguas Fraguas: mestre, escritor, antropólogo, historiador, xeógrafo...
Entre as diferentes actuacións, contamos coa presenza do noso querido compañeiro Benito Lobariñas, famoso regueifeiro, que, coa súa zanfona, agasallounos cuns temas galegos e animou aos nenos e nenas a cantar unhas divertidas peza musicais así como o himno galego, sen dúbida, símbolo por excelencia da nosa terra.
Co gallo de conmemorar o Día Internacional do Libro, organizamos varias actividades ao longo da semana:
Tivemos a oportunidade de contar coa presenza de Tía Ni, que nesta ocasión ataviada coma un personaxe "manga", agasallounos cunha viaxe pola Antártida. Por medio da súa vivencia polo continente máis austral da Terra e a través dun interesante percorrido, puidemos coñecer como é o seu clima, a súa flora e a súa fauna e as impresionantes paisaxes.
Un ano mais, os nenos e nenas maiores foron padriños e madriñas dos máis pequenos, e léronlle aos seus afillados e afilladas un conto con motivo da conmemoración do Día Internacional do Libro.
E para rematar tivemos conosxo o ilustrador e contacontos Benxamín Míguez Novoa, que fíxonos rir e entusiasmarnos coas súas historias que tiveron como protagonistas nenos e nenas do público.
Formamos un infinito todos xuntos/as, para acadar un futuro máis inclusivo, onde se respecte e se valore a diversidade hoxe e sempre.
INFINITAS FORMA DE SER,
INFINITAS FORMAS DE SENTIR.
0 21de marzo celébrase o Día Mundial da Poesía para promover este xénero lírico que da renda solta a creatividade, a musicalidade, a rima, a innovación... por medio da palabra. A poesía está moi presente nas nosas vidas dende cativas escoitamos poemas que nos axudan a durmir, a rir, a tranquilizarnos, a bailar...
Na entrada da biblioteca tedes este recuncho de poesía e dentro aínda máis libros para que gocedes deste xénero literario.
RECUNCHO DE POESÍA
Celebramos o Día de Rosalía intercambiando postais feitas coa súa imaxe e cun poema dela.
As nenas e nenos agasallaron e recitaron uns aos outros cando intercambiaban as postais con outro compañeiro/a.
Para animar ao alumnado a ler preparamos un recuncho de lecturas coa temática de misterio e suspense.
Grazas ao equipo de actividades extraescolares a biblioteca converteuse nun "túnel do terror" polo que foron pasando todas as clases ao longo dás últimas dúas horas dá mañá, tamén contaron coa participación do alumnado de sexto que preparados para a ocasión con disfraces terroríficos axudaron a ambientar o túnel, foi unha actividade moi valorada polo alumnado, xa que lles encantou e quería repetir e repetir.
Tamén tivemos a colaboración dás familias, coa creación de calacús do mundo en relación coa temática do eixe tranversal, a educación intercultural.
Neste breve video vós deixamos unha mostra do día de Samaín no noso colexio.
O día 24 de Outubro celebramos o Día das Bibliotecas, para tal data fixemos a actividade "Recoméndoche”. Esta actividade consiste en debuxar unha portada dun libro, poñendo título, autor/a , editorial que cada alumno/a recomenda aos seus compañeiros/as.
A finalidade é que cada alumno/a reflexione acerca dun libro que lle recomendaría aos demais.
Todas as achegas de cada clase se expuseron nun mural.
Outra actividade que fixemos para celebrar o día da bibliotecas, foi levada a cabo por seis alumnos/as de 6º e 5º para o alumnado de 1º e 2º. A actividade fíxose na biblioteca.
-
Primeiro, dous alumnos/as dos cursos superiores, explicaranlles o funcionamento da biblioteca e as normas da mesma.
-
Entregaranlle ao alumnado de 1º os carnes da biblioteca.
Realizouse entre a primeira hora e a segunda hora da mañá do mércores 24 de outubro.