Os mestres do C.E.I.P. Plurilingüe Vila de Rutis queren desexarvos a toda a comunidade educativa Bo Nadal, cantando esta panxoliña titulada "No medio da noite". Aquí deixamos un vídeo. FELICES FESTAS!!!!
O venres, 2 de decembro, o alumnado de 6º de Educación Primaria do noso centro participou no XXII Pleno Municipal Infantilde Culleredo, celebrado noAuditorio do IES Universidade Laboral.
A proposta levada ao pleno polo noso alumnado"O arranxo de espazos de ocio para os nenos e nenas (pistas deportivas e parques)"foi a máis votada. O Sr. alcalde, José Ramón Rioboo,fixo fincapé en que terá sida moi en conta e que, tanto el coma o seu equipo, esforzaranse ao máximo para levala a cabo.
Así mesmo, no apartado de Rogos e Preguntas, o noso alumnado rogoulle ao Sr. Alcalde a colaboración do concello para poñer en marcha un horto escolar no colexio, solicitude que xa se fixera o curso pasado, e o rexedor comprometeuse a prestar esta colaboración.
RESPECTO, COOPERACIÓN, TRABALLO EN EQUIPO ... son valores que se traballan diariamente no noso centro, pero ademais, deixamos aquí o resultado final dun traballo específico sobre a igualdade de xénero elaborado entre o alumnado de todo o centro.
Agradecemos a Cristina Sáez a súa colaboración e compartimos con todos vós o seu poema.
O venres, 4 de novembro, recibimos no centro ao astrónomo Borja Tosar, que ás 19:30h montou un telescopio para que o alumnado poidera disfrutar da visión da Lúa.
Numerosas familas de Ed. Infantil acercaron aos seus fillos/as para que poidesen ter o privilexio de ver este satélite da Terra en directo. Cara o remate da actividade, Borja tamén nos amosou a estación internacional e explicounos as constelacións visibles no ceo, e poidemos ver tamén a través do telescopio os planetas Xúpiter e Saturno. Oxalá poidamos repetir esta estupenda actividade.
Estas últimas semanas para conmemorar o Samaín decoramos as aulas, corredores e a entrada do cole cuns platos terroríficos. O día 28 de outubro tivemos un dia cheo de actividades, sorpresas, contacontos e merendas especiais! Aquí vos deixamos un vídeo para que poidades ver o ben que o pasamos!