CEIP Plurilingüe Vila de Rutis

 LISTAXES DEFINITIVAS E INSTRUCIÓNS DE MATRÍCULA.

Están publicadas no centro as listaxes definitivas de alumnado admitido para o curso 2024/2025, que non sufriron variacións con respecto ás listaxes provisionais, polo que só está admitido o alumnado que solicitou praza para 4º de Ed. Infantil e presentou a solicitude en prazo.

O prazo de matrícula é do 20 ao 30 de xuño, ámbolos dous inclusive.

DOCUMENTACIÓN PARA A MATRÍCULA

-      Impreso de matrícula debidamente cumprimentado. Pode recollerse na conserxería do centro ou pinchando aquí

-      3 fotografías tamaño carnet do alumno/a co nome por detrás.

-      DNI do alumno/a, se o ten, o dos pais (orixinal e fotocopia)

-      Libro de familia (orixinal e fotocopia de todas as páxinas escritas).

-      Tarxeta sanitaria do alumno/a (orixinal e fotocopia).

-  Informe médico (certificado de vacinacións  e de non padecer enfermidade infecto-contaxiosa) só o alumnado que se matricula en 4º Ed. Infantil.

-      Orixinal e copia de resolución xudicial, no caso de separación legal dos pais.

IMPORTANTE: Non é preciso entregar de novo a documentación que xa foi entregada no proceso de admisión.

Como remate das actividades deste mes, tendo como referencia os LIBROS, os nenos e nenas maiores do noso centro levaron a cabo o apadriñamento do alumnado máis pequeno para ler contos entre todos.

O martes 23 de abril, Día do Libro, achegouse A Dragona Ramona ao noso cole para contar un conto ao alumnado de Ed. Infantil. Gustounos moitísimo.

Agradecementos ao Concello por ofertar este contacontos coa nosa amiga, que disfruta tanto cos libros coma nós.

Continuamos en abril, xa casi no Día do Libro, e rematamos o mes recibindo a outra escritora no noso centro. Este luns 22 de abril achegouse á nosa Biblioteca EVA MEJUTO, autora do libro que leron os nenos e as nenas de 5ºEP. Contounos cousas moi interesantes.