O equipo está formado por cinco mestres do centro que teñen a tarefa de elaborar o proxecto lingüístico do centro. Teñen, ademais, a función de potenciar o uso do galego entre toda a comunidade educativa a través do deseño e posta en práctica de actividades destinadas a todos os compoñentes, aos que pretende, tamén, facer partícipes activos.
O Dia da auga pretende concienciar sobre o coidado da auga, tan necesaria para os seres vivos do planeta.
A auga é un recurso limitado e temos que traballar para a súa preservación. Se algún día escasease, traería consecuencias para toda a humanidade.
O alumnado de 4º de primaria foi visitar a Depuradora Municipal de A Guarda, onde dous técnicos explicaron o funcionamento das instalacións: as actividades humanas ensucian a auga, por iso temos que limpiala antes de que volva ao mar.
O alumnado de 2º de primaria realizou un mural explicativo dos coidados da auga; coma eles en actividades cotiás empregan a auga e non a poden malgastar.
O alumando de 6º de infantil e 5º/6º primaria visualizaron un vídeo divulgativo sobre a relevancia do auga no medioambiente e fixeron uns imáns "Cada gota, conta".
Rosalía de Castro foi unha escritora galega que potenciou e valorizou a literatura no idioma galego.
O equipo de Dinamización da Lingua Galega invitou a todo o alumnado a participar na conmemoración do seu nacemento cunha serie de actividades; careta coa cara de Rosalía e audición do poema "Resposta a Rosalía" (Galicia Infida-Florencio Delgado Gurriaran).
Ademáis o Concello de A Guarda invitou ao alumnado de 3º e 4º de primaria a "Rosalía cantareira" coa musicalización de poemas de Rosalía coa artista Irene Silva, quen rematou a súa visita no noso colexio cunha entrevista en Radio Treboada polo alumnado de 4ºB.
Lectura dun poema a Rosalía de Castro polo alumnado de primaria na hora de ler.
Obradoiro "Rosalía Cantareira" polo alumnado de 3º e 4º de educación primaria
O 17 de maio conmemórase o Día das Letras Galegas. O equipo de Dinamización Lingüística fixo diferentes iniciativas no colexio neste eido.
VIDA E OBRA DA AUTORA HOMENAXEADA
Este ano a autora a que se lle adica este día é Xela Arias. O alumnado de Primaria cos seus titor@s, tiveron que facer un mural expositivo coas súas investigacións:
DECORACIÓN DE LETRAS CONMEMORATIVAS NUNHA PRAZA DO POBO
Actividade coordinada polos equipos de Dinamización Lingüística dos tres centros públicos de A Guarda, onde o alumnado tiña que decorar unha letras conmemorativas para mostrar na praza de Avelino Vicente do centro da vila.
DECORACIÓN FONTES DA VILA
O Concello de A Guarda solicitou a colaboración dos centros educativos na decoración das fontes da vila con poemas de Xela Arias.
Ao noso centro tocoulle por a roupa tendida na Fonte de Fedorento:
FESTA NO DÍA DAS LETRAS GALEGAS NO COLEXIO
Lectura dun poema de Xela Arias e mñusica para bailar de tres profes artistas do colexio.
O alumnado de Primaria felicita as festas!
O Equipo de Dinamización da Lingua Galega invitou ao alumando a facer as súas felicitacións de Nadal.
Aquí podedes ver o resultado: