Actividades de dinamización da Biblioteca
DÍA MUNDIAL CONTRA O ACOSO ESCOLAR
Enviado por admin o Ven, 03/05/2019 - 12:34O 2 de maio conmemórase o Dia Mundial contra o Acoso Escolar.
No noso colexio, propúxose dende a Biblioteca, traballar este tema a partir de diversos contos, que mercamos este ano coa axuda do PLAMBE.
A actividade consistía en ler e traballar os contos; analizar as historias que neles se narraban, reflexionar sobre a amizade, o respecto entre compañeiros, a solidariedade etc...
Nos seguintes vídeos, podedes ver a selección dos libros e contos traballados. Ademais tamén podedes disfrutar co conto que nos resumiu Hugo Abraira e o que nos contaron os nenos e nenas de 3 anos sobre o "Qué é un amigo, para eles"
PROXECTO "A VOLTA AO MUNDO"
Enviado por admin o Mar, 30/04/2019 - 13:54Continuamos a traballar no noso Proxecto A volta ao Mundo!!
No seguinte vídeo, podedes ver algunhas actividades que estivemos desenvolvendo...
KAMISHIBAI
Enviado por admin o Mér, 24/04/2019 - 14:43Seguindo coa celebración do Día Internacional do Libro, hoxe puidemos disfrutar os nenos e nenas de Infantil e os de 1º e 2º de Primaria duns contos moi especiais, os contos de KAMISHIBAI.
O Kamishibai é unha forma de contar contos moi popular no Xapón.
Nesta ocasión os narradores dos contos eran dous alumnos e dúas alumnas de 5º e 6º de Primaria, participantes do Programa de Bibliotecas Solidarias; no que está inmerso o noso centro.
Contáronnos dous contos clásicos chulísimos: O soldadiño de chumbo e O Xastriño valente.
O 23 DE ABRIL CELEBRAMOS O DÍA DO LIBRO!!
Enviado por admin o Mar, 23/04/2019 - 18:15Hoxe, día 23 de Abril, conmemórase o Día do Libro.
E que mellor para celebralo, que disfrutar dunha sesión de Contacontos da man de Pedro Brandariz.
Contounos dous contos chulísimos:
- Unha pantasma en apuros, da Editorial Xerais.
- O paraugas amarelo, da Editorial Kalandraka
Pasámolo xenial!! Moitas grazas Pedro!!
VISITAMOS A ESCOLA INFANTIL A GALIÑA AZUL DA FONSAGRADA
Enviado por admin o Mar, 23/04/2019 - 18:03Como xa sabedes, o noso centro participa por terceiro ano no Programa de Bibliotecas Solidarias, dentro da modalidade Lecturas Compartidas dentro e fóra do centro.
Por iso, ademais de visitar as diferentes Residencias de Maiores da nosa localidade, acudimos tamén á Escola Infantil A Galiña Azul para contarlles un contiño aos nenos e nenas que están alí escolarizados.
Agradecemos a todo o persoal da escola por ternos acollido sempre con tanto agarimo.
MOITAS GRAZAS POLA VOSA COLABORACIÓN!!
VISITAMOS MÁIS RESIDENCIAS DE MAIORES
Enviado por admin o Xov, 11/04/2019 - 15:06Hoxe visitamos outras dúas Residencias de Maiores: Santa María e Remanso de Paz.
Os alumnos e alumnas de 6º de Primaria contáronlles aos maiores un conto: "A pota que trota" da editorial OQO.
Ao mesmo tempo, que tivemos a sorte de poder disfrutar dalgunha historia que nos contaron os avós e as avoiñas.
Como xa comentamos anteriormente, resúltanos unha actividade moi enriquecedora.
Agradecemos a todo o persoal das Residencias a súa acollida e participación na actividade.
MOITAS GRAZAS!!
VISITAMOS AS RESIDENCIAS DE MAIORES
Enviado por admin o Mér, 10/04/2019 - 15:09Como xa vimos facendo en cursos anteriores, este ano voltamos a participar no Programa Bibliotecas Solidarias, dentro da modalidade lecturas compartidas dentro e fóra do centro. Por este motivo, visitamos ás Residencias de Maiores do concello de A Fonsagrada.
Os alumnos e alumnas de 6º representáronlles aos maiores, un conto que leva por título: "A pota que trota" da Editorial OQO.
Resúltanos moi gratificante esta actividade e queremos agradecer a colaboración das residencias, do noso concello, que visitamos hoxe: Residencia As Rodas e Residencia de Maiores Pobra de Burón.
CONTACONTOS PROFE CARMEN!!!
Enviado por admin o Mér, 10/04/2019 - 14:30Onte as nenas e nenos de Infantil, tivemos Contacontos!!
A profe Carmen contounos un conto chulísimo:
- "LOBO SOLO BUSCABA WIFI" de Pilar Serrano Burgos
Un conto onde o protagonista é un lobo; pero nesta historia, o lobo ten un papel moi diferente ao que estamos acostumados noutros contos.
Encantounos!!!!! Pasámolo xenial!!
Moitas grazas profe Carmen!!
DÍA DAS ARTES GALEGAS: LUÍS SEOANE
Enviado por admin o Lun, 08/04/2019 - 14:21O día 1 de abril celebrouse o Día das Artes Galegas.
Este ano homenaxéase a LUÍS SEOANE (1910-1979); este autor foi un dos intelectuais galegos máis destacados do século XX. Destacou como pintor, escritor e periodista.
No noso cole quixemos recordalo, reproducindo algúns dos seus cadros máis importantes.
No seguinte vídeo, podedes ver o traballo realizado polos nosos pequenos artistas.
ROBÓTICA NA BIBLIO!!!!
Enviado por admin o Xov, 04/04/2019 - 20:13Esta semana os nenos e nenas de 1º e 2º puidemos disfrutar dun obradorio de ROBÓTICA NA BIBLIOTECA!!!!
Como estamos a levar a cabo o Proxecto A volta ao Mundo e na aula de 1º e 2º estamos a traballar EXIPTO, elaboramos un circuito coas letras do alfabeto exipcio.
A actividade consitía en programar o robot ( que ten forma de rato) para dirixilo ás letras iniciais dos nosos nomes; tamén quixemos formar a palabra "Exipto" conducindo o rato ás diferentes letras que a compoñen.
Con este tipo de xogos de Robótica os nenos e nenas desenvolven as súas habilidades cognitivas, o razonamento, o pensamento abstracto, solución de problemas, así como a súa creatividade.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »