E asi nos fomos de vacacións de Semana Santa...celebrando o II Festival Internacional de Baile.

No seguinte vídeo podedes ver, o ben que o pasamos...

Esta semana rematamos a Liga Interna de Prebéisbol, levada a cabo durante os recreos entre os grupos de 3º, 4º, 5º e 6º de Primaria.

Como este curso estamos a desenvolver o Proxecto A volta ao Mundo, quixemos relacionar a Liga Interna co noso proxecto, e por iso os equipos participantes levaban o nome dos diferentes continentes.

A finalidade da Liga non era buscar un equipo campión, senón que se trataba de desenvolver unha actividade en grupo, co obxectivo de aprender a participar en xogos deportivos, respectando as normas e  aos compañeiros e compañeiras.

Tendo como base sempre, a diversión e o disfrute da actividade; ademais de promover entre o noso alumnado hábitos de vida saudables, como é a realización de exercicio físico .

No seguinte vídeo podedes ver un resumo da actividade e os equipos participantes.

O día 3 de decembro celebrouse o Día das Persoas con Discapacidade.

Por este motivo quixemos celebrar as II PARAOLIMPIADAS DA FONSAGRADA. 

E como queríamos relacionalo co Proxecto “A volta ao mundo“, que estamos a realizar este curso, formamos equipos cos nomes dos diferentes países veciños, dos países que estamos a traballar no Proxecto.

No seguinte vídeo podedes ver un resumo da actividade e dos diferentes deportes que practicamos: GOALBALL, SITTING-VOLEIBOL, BASKET EN SILLA, RONDO MÓBIL, CARREIRA DE RELEVOS.

Deste xeito, puidemos poñernos na pel das persoas que presentan algún tipo de discapacidade e comprobar o esforzo que para elas supón. 

Pasámolo xenial!!!

II Paraolimpiadas from CEIP Fonsagrada on Vimeo.

O venres 16 de novembro, celebramos a Festa do Magosto!!! 

Comezamos a xornada con xogos populares; no ximnasio para os nenos e nenas de Infantil e no patio cuberto para os de Primaria.

Unha vez rematados, tivemos que repoñer forzas comendo unhas castañas.

E como non podía ser de outro xeito, unha boa festa ten que rematar botando uns bailes!! Grazas a Cris, a mestra de música que nos tocou unhas pezas coa gaita.

Pasámolo xenial!!!

No seguinte vídeo, podedes ver un resumo... 

Magosto 2018 from CEIP Fonsagrada on Vimeo.

Hoxe conmemórase o Día Europeo do Deporte Escolar.

Por este motivo, e relacionado co Proxecto da Volta ao Mundo que imos desenvolver este ano, nós quixemos celebrar a I Carreira Volta ao mundo.

Cada grupo representaba o país que vai traballar ao longo deste curso; portando nas súas camisetas, as bandeiras correspondentes.

No seguinte vídeo podedes ver un resumo da actividade e as fotos dos participantes que quedaron en 1º, 2º e 3º posto.

Aínda que gañadores somos todos, xa que do que se trataba, era de participar e disfrutar coa actividade en grupo.

I carreira volta ao mundo from CEIP Fonsagrada on Vimeo.

Ó longo do terceiro trimestre disputáronse distintas Ligas Internas no período de recreo.

As modalidades escollidas foron Fútbol sen balón e Prebeisbol. Participaron todos os nenos e nenas de Primaria, onde os equipos estaban obrigados a ter membros de tódolos cursos.

Este ano houbo unha progresión na realización da actividade con respecto ao ano pasado, xa que foron os propios nenos os que autoxestionaron a organización das Ligas; o coodinador soamente cumpriu unha labor de control.

A pesar de que como en toda Liga sempre ten que haber un campión, tódolos nenos e nenas saíron gañadores, porque ademais de facer exercicio pasárono fenomenal!!!!!

Liga deportiva from CEIP Fonsagrada on Vimeo.

Como xa vos comentamos noutras ocasións o noso cole participa en varios Proxectas: Monte vivo, Coida aos animais e Proxecto deportivo de centro por este motivo, quixemos facer unha andaina polo monte levando algunhas mascotas e tamén contando coa participación dalgunhas familias.

Pasámolo xenial!!!!

Andaina polo monte from Maria on Vimeo.

Como o noso cole participa no Proxecta Monte Vivo e Proxecto Deportivo de Centro, o martes 12 de xuño os alumnos e alumnas de 6º colaboramos nunha Xornada de Convivencia dentro do Proxecto A Reserva da Biosfera Río Eo, Oscos e Terras de Burón: punto de encuentro entre Asturias e Galicia.

Compartimos a xornada de convivencia con outros coles, como o de Trabada, A Pontenova, Ribadeo, Vegadeo, Taramundi, Figueras, Piantón, Castropol, Baleira e Santa Eulalia de Oscos.

Ademais Bruno recibiu un premio pola redacción do seu conto sobre a defensa do Medio Ambiente. 

Xornada de convivencia from CEIP Fonsagrada on Vimeo.

Para rematar o segundo trimestre decidimos gastar as últimas enerxías, preparando unhas coreografías!!

Celebramos o I Festival de baile, e tanto nenos/as coma mestres/as animámonos a participar.

Pasámolo xenial!!!!!

Nos seguintes vídeos podedes ver o resultado...

I Festival de baile (1ª parte) from Mariola on Vimeo.

A continuación, podedes ver a segunda parte do I Festival de baile...

IFestival de baile (2ª parte) from Maria on Vimeo.