O Deporte e o Nadal van da man ao rematar este primeiro trimestre coa celebración da 1ª San Silvestriña Escolar. Esta carreira navideña, realizada polos arredores da vila, tivo lugar o 21 de decembro co obxectivo de continuar a promover o deporte e os hábitos de vida saudables. Participou todo o alumnado do centro con motivos navideños propios da época, demostrando ,unha vez máis, que o deporte é vida :).

Remataron a saída cunha visita sorpresa!!. Aquí vos deixamos unha pequena mostra desta divertida xornada deportiva:).

Un ano máis, e co gallo do Día Internacional das Persoas con Discapacidade, concienciamos sobre a importancia de valorar a diversidade de capacidades motrices existentes a través da celebración das Paraolimpiadas:).

Dun xeito lúdico o alumnado puido poñerse na pel de persoas que padecen diferentes discapacidades motrices  e empatizar coa súa realidade a través dos seguintes deportes adaptados: Sitting Voleibol, Basket en silla, Fútbol Indio, Goalball, carreira de relevos e o Rondo Móbil.

A experiencia foi todo un éxito e, ademáis de divertirse, visibilizouse unha realidade que as persoas con diversidade funcional nos ensinan a diario co seu exemplo: QUERER É PODER!.

Queremos agaradecer especialmente ás Residencias de Persoas Maiores da Fonsagrada, así como ao Centro de Saúde da vila , a súa colaboración e  óptima disposición na cesión de material ortopédico.

MOITAS GRACIAS pola colaboración!!!

Aquí vos deixamos unha pequena mostra das PARAOLIMPIADAS:).

 Trala realización do I SAMAÍN DEPORTIVO, valoramos o exitoso traballo en equipo realizado polo alumnado dos diferentes cursos, o cal resultou imprescindible para a superación dos divertidos retos deportivos.

Cada equipo foi obsequiado cun diploma de recoñecemento á Cooperación deportiva escolar.

Aquí vos deixamos unha pequena mostra.

Viva a cooperación no deporte!!.:)

Este ano celebramos o primeiro Samaín Deportivo no colexio, cargado de actividades a prol do deporte e de diferentes retos cooperativos a superar por cursos co fin de fomentar o traballo en equipo do alumnado. Así de ben o pasamos!!!. Deixámosvos unha pequena mostra :).

  Con motivo da conmemoración do Día Mundial do Medio Ambiente, os nenos e nenas de 4º, 5º e 6º de Primaria gozaron dunha xornada de actividades na natureza nun marco excepcional, a área recreativa da Fontaneira. As modalidades practicadas foron o senderismo e a escalada. No seguinte vídeo resumo podedes comprobar as vivencias experimentadas polos nenos e nenas durante toda a xornada.

Que mellor maneira para conmemorar o Día mundial da saúde que realizando actividade física polos magníficas paisaxes que temos a sorte de ter na Fonsagrada. Nen@s e profes repartímonos para a realización dunha ruta en bicicleta e dunha andaina que podedes ver no vídeo que se presenta a continuación.

Despois do aprazamento motivado pola pandemia no curso anterior, por fin puidemos celebrar o III Festival de Baile da Fonsagrada. Cada ano que pasa, os nenos e nenas non nos deixan de abraiar cos seus avances no mundo do baile. No seguinte vídeo podedes comprobalo.

Dentro do programa PDC (Proxecto Deportivo do Centro), realizamos unha Ruta en bici e unha Andaina polo noso Concello. A verdade é que somos unhos privilexiados de contar con estes camiños e paisaxes para disfrutar deste tipo de actividades, que teñen como obxectivo fomentar a vida activa e a actividade física saudable. A continuación podedes ver o vídeo resumo de dita actividade.

O día 20 de novembro celebramos no noso centro unha conmemoración moi especial para todos os alumnos e alumnas, o Día de Infancia. Nos seguintes vídeos aparecen as actividades realizadas para render homenaxe aos nenos e nenas de todo o mundo.