Hoxe o noso centro sae na prensa. O xornal O Progreso publicou hoxe tanto na versión impresa como na dixital unha noticia sobre o noso centro.

Enlace a noticia

Como podedes ler para o próximo curso 2023/2024 o noso centro contará con servicio de comedor.

O venres 21 todo o alumnado de Educación Infantil e Educación Primaria desfrutou na biblioteca da formación de Biblioteca Creativa na que participamos este curso. Ó longo da xornada coñeceron diferentes xogos educativos nos que poñían en marcha a súa capacidade lectora, matemática, axilidade...

     

     

Dentro duns días moitos desos xogos estarán na biblioteca para poder seguir xogando e aprendendo de xeito divertido.

Esta semana algúns mestres e mestras do centro tiveron unha formación sobre o uso da nosa impresora 3D. Hoxe coa axuda da alumna de 6º, Alba, estamos creando o noso primeiro deseño. 

No mes de marzo unha mestra do noso centro viaxou a Italia dentro do Proxecto Erasmus+ para coñecer o funcionamento e a metodoloxía de traballo das escolas de Pistoia (Italia), recoñecidas a nivel internacional pola calidade da súa intervención educativa na infancia.

O 2 de abril é o DÍA MUNDIAL DO AUTISMO. Durante a seguinte semana, do 27 ó 31 de marzo no centro traballaremos sobre os PICTOGRAMAS para que o alumnado coñeza o seu significado.

Se queredes coñecer un pouco máis sobre os pictogramas podedes ver o archivo adxunto abaixo.

Estimadas familias:

Engadimos aquí abaixo toda a información relativa a admisión do alumnado. O prazo de presentación das solicitudes é do 1 ao 20 de marzo.  É importante ler ben todos os documentos.

Se tedes dúbidas chamade aos seguintes números ou achegádevos ao centro.

- 881930070

- 881930071

Documentos e instrucións:

• Solicitude de admisión e información importante
• Normativa reguladora
• Prazos para levar a cabo o procedemento
• Postos escolares ofertados

As familias terán que cubrir o seguinte impreso:

- Solicitude de admisión (galego)

- Solicitude de admisión (castelán)

Este curso participamos no programa escolar de consumo de froita e leite. Recordamos que a partir do 1 de marzo e durante 10 días, o alumnado recibirá unha peza de froita.

A partir do 20 de marzo, comezará o período do leite, durante 20 días lectivos.