RECOLLIDA E ENTREGA DE MATERIAL E BOLETÍNS

Para a recollida de material, boletíns de notas e devolución de libros de préstamo e ordenadores, establécese o seguinte sistema de quendas:

· Martes, 16 de xuño, de 9 a 14 horas: as familias de 3º e 5º de Primaria.

·Mércores, 17 de xuño, de 9 a 14 horas: as familias de 4º e 6º de Primaria

·Xoves 18 de xuño, de 9 a 14 horas: as familias de 1º e 2º de Primaria e Ed. Infantil

No caso de ter fillos/as en distintos cursos, só terán que vir o primeiro día que lle toque por curso e fillo/a (por exemplo: se ten un fillo/a en 3º e outro en 6º, virán só o día 16, traendo e levando todo o dos dous fillos/as).

As xestións a realizar son:

- Recoller os boletíns de notas e material do alumno/a que quedara no colexio

- Entregar os libros de préstamo, incluíndo os da biblioteca (se teñen algún na casa).

- Aqueles que levaran ORDENADOR EN PRÉSTAMO, tamén deberán devolvelo.

Adaptación das distintas programacións

Seguindo o establecido nas Instruccións do 27 de abril de 2020, da Dirección Xeral de Educación, F.P. e Innovación educativa para o desenvolvemento do 3º trimestre do curso 19/20 nos centros docentes da Comunidade Autónoma de Galicia, faranse públicas na páxina web do centro as adaptacións das programacións didácticas de primaria (Apartado "Adaptacións das programacións didácticas", no punto 6.13).

Premendo en Regulamento do Centro, na marxe esquerda, toda a comunidade educativa terá acceso ás adaptacións dos distintos cursos e especialidades. 

Poden pulsar directamente AQUÍ

RESUMO DAS INSTRUCIÓNS DO 3º TRIMESTRE DO CURSO 19/20

Texto completo AQUÍ

1- Realizaranse actividades de recuperación, repaso, reforzo e, no seu caso, ampliación das aprendizaxes anteriores que resulten necesarias para todo ou parte do alumnado (páx.5-apdo:6.2)

2- A avaliación e cualificación do alumnado neste 3º trimestre será sempre en beneficio do alumnado, é dicir, soamente terá un valor positivo (páx.6-apdo:6.9/ páx.7-apdo:7.2)

3- Flexibilizaranse os criterios de promoción en todos os cursos de primaria. A repetición considerarase unha medida excepcional (páx.7-apdo:7.5/ páx.11-apdo:2.5)

4- De cara ao próximo curso 20/21, terase en conta a excepcionalidade do curso actual; de tal xeito que a programación deberá adaptarse ás medidas necesarias de atención á diversidade, individuais ou grupais, orientadas a responder ás necesidades educativas concretas do alumnado que cambie de etapa ou curso, detallando aquelas aprendizaxes imprescindibles e que, por diversas causas, non puideron ser adquiridas neste curso (páx.11-apdo:2.6/2.7)

RECORDATORIO

O profesorado do CEIP San Salvador queremos recordarlles a familias e alumnado que o día 1 e 4 de maio están considerados non lectivos no calendario escolar, polo cal as actualizacións dos blogues faranse a partir do martes 5 de maio.

Xa queda menos! Moito ánimo a todos!

DÍA DO LIBRO 2020

O día 23 de abril celébrase o Día do Libro; un día que para un colexio é dos máis especiais do ano.

Este curso non o podemos festexar como tiñamos pensado nun principio, polo que debemos adaptarnos a esta nova situación e, entre todos, tratar de disfrutalo ao máximo.

Neste tempo de confinamento, un libro é un medio que nos permite viaxar a lonxanos lugares coa nosa imaxinacióm: dende o Polo Norte ás selvas máis salvaxes, a planetas lonxanos, a cidades incribles...

Por iso, propoñemos dende a biblioteca do centro diversas actividades para realizar en familia, coas que podemos divertirnos e, tamén, desenvolver a nosa imaxinación. Podedes velas no blog do cole ou picando directamente neste ENLACE

Tamén podedes acceder a unha gymkhana literaria e outros recursos picando nos ficheiros adxuntos.

Moito ánimo de todo o profesorado do CEIP San Salvador!!