O alumnado que estea matriculado en 6º de primaria e vaia cursar 1º da ESO no IES de Teis (centro adscrito), deberá presentar a reserva de praza no colexio dende o 16 de xaneiro ata o 6 de febreiro  (ambos inclusive). 

A solicitude pódese presentar TELEMATICAMENTE, como se explica nas instruccións, ou no propio centro. Neste caso pódese solicitar o formulario en papel en secretaría ou descargalo dos documentos adxuntos.

AMPLIACIÓN DA AXUDA PARA ADQUIRIR MATERIAL ESCOLAR

Todas as familias beneficiarias do vale para adquirir material escolar por importe de 50€

recibirán un vale adicional de 25€.

A partir do martes 18 de outubro, todo o alumnado poderá recoller dito vale no centro.

Este vale debe empregarse antes do 1 de decembro do 2022.

Pódese consultar a Resolución do 5 de outubro de 2022 nos arquivos adxuntos.

Poñemos a disposición das familias a información relativa as axudas do Concello de Vigo para libros, material escolar e comedor para o curso 22/23.

Podedes acceder directamente á información a través da seguinte ligazón:

AXUDAS MUNICIPAIS- Sede electrónica

Tamén podedes descargar a información nos arquivos anexos.

O prazo é do 12 de xullo ao 9 de agosto.

INFORMACIÓN PARA AS FAMILIAS CON FILL@S EN EDUCACIÓN PRIMARIA:

O luns 4 de xullo colgáronse no taboleiro do centro as listaxes provisionais de admitidos e excluídos para as axudas de Fondolibros e Material Escolar para o curso 22/23. Podedes consultar as listaxes de forma presencial ou chamando por teléfono ao colexio.

O prazo de alegacións remata o mércores 6 de xullo ás 13:00.

O xoves 7 de xullo publicaranse no taboleiro do colexio as listaxes definitivas e poderanse recoller os vales de libros, para 1º e 2º de Primaria, e os vales de material para toda Primaria dende o 7 ao 11 de xullo en horario de 9:00 a 14:00.

En caso de que non poida vir o pai, nai ou titor/a do alumn@ a recoller os vales de libros e material escolar, poderá recollelo outra persoa traendo unha autorización na que figuren o DNI da persoa que autoriza e da persoa autorizada, así como o nome do alumn@. De non poder recoller os vales en xullo poderase facer a partir do 1 de setembro