Álbum: Curso 2020/2021 -> Paseo pola Prehistoria 4ºB
Os nenos de 4ºB convertíronse en arqueólogos descubrindo restos arqueolóxicos.
Cada neno traballou sobre un dos periodos: Paleolítico, Neolítico e Idade dos Metais, buscou información, fixo a montaxe dunha escena, e elaborou unha reseña sobre o seu descubremento.
Álbum: Curso 2020/2021 -> Dia da árbore e os bosques
Un grupo de nenos do noso centro e do CEIP Rosalía de Catro participamos na iniciativa do Concello "Un abeto en cada barrio" para a conmemoración do Día da Árbore e os Bosques. Xunto a alcaldesa Inés Rey, plantamos un abeto diante da Biblioteca municipal Sagrada Familia. Este abeto poderase adornar nas vindeiras navidades.
Este ano non haberá a tradicional festa de entroido do ANPA no colexio. Celebrarase de xeito virtual. Queres saber como? Prema neste enlace e terás toda a información. Animate!!!
O 29 de xaneiro conmemoramos o "Día Escolar da Non Violencia e a Paz" con diferentes actividades dentro das aulas e decorando os corredores con cadenetas e pingas. Todos aprendimos a canción "Somos una marea de gente"de Macaco. Prema s neste enlace as fotos da galería
Neste vídeo veredes aos nenos de infantil cantando a canción. Podes velo tamén en Vimeo.
Rematamos o primeiro trimestre deste atípico curso. Todo o equipo docente queremos agradecer a todos os nenos e ás súas familias o esforzo e colaboración para adaptarnos á nova situación.
Tamén queremos agradecer a AMPA todas as xestións que fixeron para a organización da visita dos Reis Magos ao colexio xa que estes dias están moi solicitados. Pasamos unha mañá chea de ilusión e alegría.
Premendo nos enlaces podes ver todas as fotos e vídeos:
Xa están expostas no taboleiro da entrada principal do centro a listaxe provisional de admitidos e excluidos do alumnado beneficiario das máscaras. Poderá presentarse reclamación ata o xoves 3 de decembro.
O venres 4 publicarase a listaxe definitiva. O mércores 9 de decembro os titores repartirán as máscaras a cada alumno na clase. Rogamos ás familias beneficiarias que comproben que o seu fillo leva as máscaras.
Calquera incidencia contacten por teléfono no 881 960316.
O 3 de decembro celébrase o Día Internacional das persoas con discapacidade. Declarado en 1992 pola Asemblea Xeral das Nacións Unidas, ten como obxectivo promover os dereitos e o benestar das persoas con discapacidade en todos os ámbitos da sociedade, así como concienciar sobre a súa situación en todos os aspectos da vida.
O departamento de orientación do centro recoméndanos algúns recursos de interese tales como libros, contos e curtametraxes para abordar este tema coas nenas e nenos. Preme aqui para acceder a estes recursos
O venres 13 de novembro celebramos o Magosto. Houbo uns pequenos cambios pero poidemos disfrutar dunha mañá moi especial. Este ano contamos cos castañeiros da da rúa Real e os profes de Educación física amenizaron a xornada con música. Todas as imaxes están na galería de fotos, prema aquí para ver as fotos de primaria e aquí para ver as de infantil
