Reto 2
Por aquí vai a segunda quenda de retos dos obradoiros.
Se te animas podes enviarnos un vídeo ou foto das túas creacións, tanto as dos restos anteriores coma estas que propoñemos a continuación e serán colgadas no Instagram do centro: ceipribeira, de forma anónima ou pondo o teu nome e curso para que todos/as coñezan o/a gran artista que es.
Envíaas a: martineznunez@edu.xunta.gal
RETO 2-COCIÑA
Mousse de chocolate. Para facer a espera máis amena.
Ingredientes:
· 200ml nata (mellor de montar)
· 400 gr Chocolate(do tipo que desees)
· 3 Ovos
· 100 gr azucre(a poder ser glas)
1. Primeiro pícase o chocolate.
2. Logo bótase nun cazo a fogo lento para que se derreta. Coidado non o queimes. Podes facer este paso no microondas pero require de maior coidado. Podes verter no cazo un pouco de leite se queres para que se derreta con maior facilidade.
3. A continuación, pasa o chocolate a un recipiente frío para que se quede a temperatura ambiente. Mentres arrefría continuas co resto de ingredientes.
4. Separa xemas de claras. Monta as claras (bate ata que queden ao “punto de neve”, coma espuma) e deixa as xemas dentro da neveira.
5. Bate as xemas xunto co azucre ata que quede unha masa homoxénea(que xa non se diferencie o azucre das xemas). Podes botarlle unha pouca de laranxa raiada se queres.
6. Mestura esta masa de xema e azucre co chocolate. Despois engade as claras lentamente.
7. Agora enche a cantidade de mousse que precises en cada vaso ou recipiente. Precisa de tres horas no frigorífico polo menos para que quede ca textura desexada.
8. Finalmente bota a nata por riba para decorar e facer aínda máis suculento este postre. Podes engadir cachiños de oreo, leite condensada, froita...É cuestión de gustos.